21–22 ءساۋىر كۇندەرى تۇركىستان قالاسىندا قازاقستان پرەزيدەنتى قاسىم-جومارت توقاەۆ پەن تۇركىمەنستان حالك ماسلاحاتىنىڭ توراعاسى گۋربانگۋلى بەردىمۇحامەدوۆتىڭ بەيرەسمي كەزدەسۋى وتەدى، دەپ حابارلايدى “ادىرنا” ۇلتتىق پورتالى اقورداعا سىلتەمە جاساپ.
كەلىسسوزدەر بارىسىندا قازاق-تۇرىكمەن ستراتەگيالىق ارىپتەستىگىن ودان ءارى نىعايتۋدىڭ پەرسپەكتيۆالارى، سونداي-اق وڭىرلىك كۇن تارتىبىندەگى وزەكتى ماسەلەلەر تالقىلانباق.
بيىلعى قاڭتار ايىندا قاسىم-جومارت توقاەۆ گۋربانگۋلى بەردىمۇحامەدوۆپەن تەلەفون ارقىلى سويلەسكەن بولاتىن. اڭگىمە بارىسىندا قوس ەل اراسىنداعى ستراتەگيالىق ارىپتەستىكتى نىعايتۋ ماسەلەلەرى قاراستىرىلعان.
تاراپتار قازاق-تۇرىكمەن قارىم-قاتىناستارىنىڭ قازىرگى جوعارى دەڭگەيىن اتاپ ءوتىپ، بۇعان دەيىن جوعارى دەڭگەيدە قول جەتكىزىلگەن كەلىسىمدەردىڭ ەنەرگەتيكا، ترانزيتتىك-كولىك جانە مادەني-گۋمانيتارلىق سالالاردا جۇزەگە اسىرىلۋ بارىسىن جان-جاقتى تالقىلاعان.
اتالعان سويلەسۋدە وڭىرلىك ىنتىماقتاستىق جانە بەسجاقتى فورماتتاعى الداعى ءىس-شارالار ماسەلەلەرىنە ەرەكشە نازار اۋدارىلعان.
