21–22 сәуір күндері Түркістан қаласында Қазақстан Президенті Қасым-Жомарт Тоқаев пен Түркіменстан Халк маслахатының төрағасы Гурбангулы Бердымұхамедовтің бейресми кездесуі өтеді, деп хабарлайды “Адырна” ұлттық порталы Ақордаға сілтеме жасап.
Келіссөздер барысында қазақ-түрікмен стратегиялық әріптестігін одан әрі нығайтудың перспективалары, сондай-ақ өңірлік күн тәртібіндегі өзекті мәселелер талқыланбақ.
Биылғы қаңтар айында Қасым-Жомарт Тоқаев Гурбангулы Бердымұхамедовпен телефон арқылы сөйлескен болатын. Әңгіме барысында қос ел арасындағы стратегиялық әріптестікті нығайту мәселелері қарастырылған.
Тараптар қазақ-түрікмен қарым-қатынастарының қазіргі жоғары деңгейін атап өтіп, бұған дейін жоғары деңгейде қол жеткізілген келісімдердің энергетика, транзиттік-көлік және мәдени-гуманитарлық салаларда жүзеге асырылу барысын жан-жақты талқылаған.
Аталған сөйлесуде өңірлік ынтымақтастық және бесжақты форматтағы алдағы іс-шаралар мәселелеріне ерекше назар аударылған.
Другие материалы
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз