21–22 sáýir kúnderi Túrkistan qalasynda Qazaqstan Prezıdenti Qasym-Jomart Toqaev pen Túrkimenstan Halk maslahatynyń tóraǵasy Gýrbangýly Berdymuhamedovtiń beıresmı kezdesýi ótedi, dep habarlaıdy “Adyrna” ulttyq portaly Aqordaǵa silteme jasap.
Kelissózder barysynda qazaq-túrikmen strategııalyq áriptestigin odan ári nyǵaıtýdyń perspektıvalary, sondaı-aq óńirlik kún tártibindegi ózekti máseleler talqylanbaq.
Bıylǵy qańtar aıynda Qasym-Jomart Toqaev Gýrbangýly Berdymuhamedovpen telefon arqyly sóılesken bolatyn. Áńgime barysynda qos el arasyndaǵy strategııalyq áriptestikti nyǵaıtý máseleleri qarastyrylǵan.
Taraptar qazaq-túrikmen qarym-qatynastarynyń qazirgi joǵary deńgeıin atap ótip, buǵan deıin joǵary deńgeıde qol jetkizilgen kelisimderdiń energetıka, tranzıttik-kólik jáne mádenı-gýmanıtarlyq salalarda júzege asyrylý barysyn jan-jaqty talqylaǵan.
Atalǵan sóılesýde óńirlik yntymaqtastyq jáne besjaqty formattaǵy aldaǵy is-sharalar máselelerine erekshe nazar aýdarylǵan.
