پۋتين ۋكرايناداعى سوعىستى ەكى كۇنگە توقتاتۋعا بۇيرىق بەردى

1138
Adyrna.kz Telegram
فوتو: كرەمل ءباسپاسوز حاتشىسى
فوتو: كرەمل ءباسپاسوز حاتشىسى

رەسەي پرەزيدەنتى ۆلاديمير پۋتين 19 ءساۋىر كۇنى كەشكە ۋكرايناداعى بارلىق اسكەري ءىس-قيمىلداردى ۋاقىتشا توقتاتۋ تۋرالى بۇيرىق بەردى، دەپ حابارلايدى “ادىرنا” ۇلتتىق پورتالى.

بۇل تۋرالى كرەملدىڭ ءباسپاسوز قىزمەتى حابارلادى.

«پاسحالىق ءبىتىم» 19 ءساۋىر ساعات 18:00-دەن 21 ءساۋىر تۇنگى 00:00-گە دەيىن كۇشىندە بولادى.

پرەزيدەنت بۇل مالىمدەمەنى رف قارۋلى كۇشتەرى باس شتابىنىڭ باسشىسى ۆالەري گەراسيموۆپەن كەزدەسۋ كەزىندە ايتتى.

«وسى ۋاقىت ارالىعىندا بارلىق اسكەري ءىس-قيمىلدار توقتاتىلسىن. ۋكراينا تاراپى دا وسىنداي قادامعا بارادى دەگەن ۇمىتتەمىز. دەگەنمەن، اسكەرلەرىمىز كەز كەلگەن ارانداتۋشىلىق پەن شابۋىلعا دايىن بولۋى ءتيىس»، – دەدى پۋتين.

رەسەي قورعانىس مينيسترلىگى ءتيىستى بۇيرىقتاردىڭ بەرىلگەنىن راستادى.

ۋكراينا پرەزيدەنتى ۆلاديمير زەلەنسكي بۇل مالىمدەمەگە جاۋاپ قاتتى.

«پۋتين تاعى دا ادامداردىڭ ءومىرىن ويىنعا اينالدىرماق. قازىر ۋكراينادا اۋە دابىلى جاريالاندى. ساعات 17:15-تە رەسەيدىڭ سوققى دروندارى اسپانىمىزدا بايقالدى. ءبىزدىڭ اۋە قورعانىس كۇشتەرى مەن اۆياتسيا ارەكەت ەتۋدە. ءبىزدىڭ اسپانداعى “شاحەدتەر” – ءپۋتيننىڭ پاسحاعا جانە ادام ومىرىنە دەگەن شىنايى كوزقاراسى»، – دەپ مالىمدەدى.

ايتا كەتەيىك، بۇعان دەيىن 2023 جىلدىڭ قاڭتارىندا پۋتين روجدەستۆو مەرەكەسىنە وراي بىرجاقتى ءبىتىم جاريالاعان بولاتىن. الايدا ول كەزدە دە سوعىس جالعاسا بەرگەن. ۋكراينا تاراپىنان اننا ماليار بۇل ءبىتىمنىڭ ورىندالماعانىن جانە رەسەيدىڭ توعىز جىلدىق سوعىس بارىسىندا ەشبىر بىتىمگە بەرىك بولماعانىن جازعان ەدى.

Реклама
  • ИП Попов А.П.
  • ИНН: 602715631406
Кардиолог шокировал мировую медицину: сосуды чистит простой...
Реклама
  • ИП Попов А.П.
  • ИНН: 602715631406
Видео с выпускного "убило" всех родителей: кто это заснял?!
Реклама
  • ИП Попов А.П.
  • ИНН: 602715631406
Муж поднял потенцию за 1 минуту! Использовал этот метод
پىكىرلەر