الەۋجەلىدە ءوزىن دۇرىس تاماقتانۋ بويىنشا “كەڭەسشى” دەپ تانىستىرعان ايەل بەشبارماقتىڭ “پپ-نۇسقاسىن” (رەد.دۇرىس تاماقتانۋعا بەيىمدەلگەن ءتۇرىن) جاريالاپ، جۇرتشىلىقتىڭ نازارىنا ىلىكتى، دەپ حابارلايدى “ادىرنا” ۇلتتىق پورتالى.
@kamshat_tku ەسىمدى قولدانۋشىنىڭ ايتۋىنشا، اۋىزاشار كەزىندە قامىر اسقازانعا اۋىر تيەتىندىكتەن، ول ءداستۇرلى قامىردىڭ ورنىنا قىرىققاباتتى قولدانعان.
«اۋىزاشاردا قامىر اسقازانعا تىم اۋىر. سوندىقتان مەن ونى كاپۋستامەن الماستىردىم. ءسىزدىڭ اعزاڭىز العىس ايتادى»، – دەپ جازدى اۆتور بەينەجازبا سيپاتتاماسىندا.
الايدا ۇلتتىق تاعامنىڭ مۇنداي نۇسقاسى بارىنە بىردەي ۇناي قويعان جوق. جەلى قولدانۋشىلارى بىردەن ءوز پىكىرلەرىن ءبىلدىردى.
«بەشبارماقتى بۇلاي قورلاعان ەشكىم بولماعان»، «كۇيەۋىم بەشبارماقتى ەڭ كوپ ۇناتاتىنى – قامىرى»، «بۇل بورشش قوي. بەشبارماقپەن شاتاستىرماڭىزدار»، «ءبىزدىڭ اتا-بابالارىمىز بۇعان قاراپ شوشىپ جاتقان بولار» دەپ جازعان.
ۇقساس جاڭالىقتار
