Áleýjelide ózin durys tamaqtaný boıynsha “keńesshi” dep tanystyrǵan áıel beshbarmaqtyń “PP-nusqasyn” (red.durys tamaqtanýǵa beıimdelgen túrin) jarııalap, jurtshylyqtyń nazaryna ilikti, dep habarlaıdy “Adyrna” ulttyq portaly.
@kamshat_tku esimdi qoldanýshynyń aıtýynsha, aýyzashar kezinde qamyr asqazanǵa aýyr tıetindikten, ol dástúrli qamyrdyń ornyna qyryqqabatty qoldanǵan.
«Aýyzasharda qamyr asqazanǵa tym aýyr. Sondyqtan men ony kapýstamen almastyrdym. Sizdiń aǵzańyz alǵys aıtady», – dep jazdy avtor beınejazba sıpattamasynda.
Alaıda ulttyq taǵamnyń mundaı nusqasy bárine birdeı unaı qoıǵan joq. Jeli qoldanýshylary birden óz pikirlerin bildirdi.
«Beshbarmaqty bulaı qorlaǵan eshkim bolmaǵan», «Kúıeýim beshbarmaqty eń kóp unatatyny – qamyry», «Bul bor qoı. Beshbarmaqpen shatastyrmańyzdar», «Bizdiń ata-babalarymyz buǵan qarap shoshyp jatqan bolar» dep jazǵan.
