قۇرمەتتى حالىقارالىق قاتىناستاعى جۇك تاسىمالداۋشىلارى!
قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى (بۇدان ءارى – مينيسترلىك) كاسىپكەرلىكتى قولداۋ شەڭبەرىندە اكىمشىلىك كەدەرگىلەردى بارىنشا قىسقارتتى، حالىقارالىق جۇك تاسىمالدارىن جۇزەگە اسىرۋعا اۆتوكولىك قۇرالىنا (بۇدان ءارى – كق) رۇقسات بەرۋ كارتوچكالارىن بەرۋ راسىمدەرى جەڭىلدەتىلدى.
حالىقارالىق اۆتوموبيل تاسىمالدارىن جۇزەگە اسىرۋعا رۇقسات بەرۋ كۋالىگىن جانە رۇقسات كارتوچكاسىن الۋ ءۇشىن: «ازاماتتارعا ارنالعان ۇكىمەت «مەملەكەتتىك كورپوراتسياسى» كوممەرتسيالىق ەمەس اكتسيونەرلىك قوعامى (بۇدان ءارى – مەملەكەتتىك كورپوراتسيا) جانە «ەلەكتروندىق ۇكىمەتتىڭ» www.egov.kz, www.elincense.kz ۆەب-پورتالى (بۇدان ءارى – پورتال) ارقىلى ءوتىنىم بەرۋ مۇمكىندىگى كوزدەلگەن.
مەملەكەتتىك قىزمەت كورسەتۋ مەرزىمى 3 جۇمىس كۇنى.
وسىعان بايلانىستى تاسىمالداۋشىلاردى دەلدالداردىڭ قىزمەتتەرىنە جۇگىنبەۋگە جانە رۇقسات كارتوچكالارىن جانە تيىسىنشە شەتەلدىك رۇقسات بلانكىلەرىن (بۇدان ءارى – رۇقسات), ونىڭ ىشىندە قىتاي «س» تۇرىندەگى رۇقساتتى تىكەلەي الۋعا شاقىرامىز»!
مينيسترلىكتىڭ كولىك كوميتەتى (بۇدان ءارى – كوميتەت) تەرىس پيعىلداعى «تاسىمالداۋشىلاردىڭ» - دەلدالداردىڭ اۆتوموبيل تۋرالى جالعان مالىمەتتەر بەرگەن سحەماسىن انىقتادى، ولار حالىقارالىق جۇك تاسىمالداۋعا ارنالماعان كق مەملەكەتتىك كورپوراتسيا ارقىلى رۇقسات كارتوچكالارىن العان جانە تيىسىنشە، ولاردىڭ نەگىزىندە قۇنى 1 اەك-ءتى قۇرايتىن شەتەلدىك رۇقسات بلانكىلەرىن ءۇشىنشى تۇلعالارعا ساتۋدان كەي جەرلەردە 100-200 اقش دوللارعا دەيىن زاڭسىز پايدا تاپقان. بۇل رۇقساتتاردىڭ جاساندى تاپشىلىعىنا جانە ءارتۇرلى الاياقتىق ارەكەتتەردىڭ پايدا بولۋىنا اكەپ سوقتى.
قازىرگى ۋاقىتتا كوميتەت حالىقارالىق جۇك تاسىمالداۋعا ارنالماعان كق ەلەكتروندىق بەرۋ جۇيەسىنەن الىپ تاستاۋ بويىنشا شۇعىل شارالار قابىلدادى. بۇگىنگى كۇنى 46 «تاسىمالداۋشىلار» جالعان مالىمەتتەر بەرگەن 1200-گە جۋىق كولىك قۇرالى بەلگىلى بولدى.
بۇل ماسەلە مينيسترلىك باسشىلىعىنىڭ تۇراقتى باقىلاۋىندا تۇر جانە حالىقارالىق جۇك تاسىمالىن جۇزەگە اسىرۋعا ارنالماعان كق انىقتاۋ بويىنشا جۇمىستار جالعاساتىن بولادى.
بۇدان باسقا، اۋماقتىق كولىكتىك باقىلاۋ ينسپەكتسيالارىنا كوميتەتپەن كق مەملەكەتتىك نومىرلەرىن مەملەكەتتىك ورگانداردىڭ ءتيىستى دەرەكتەر بازاسىمەن سالىستىرۋدى جۇزەگە اسىرۋ قاجەتتىلىگى تۋرالى نۇسقاۋ جىبەردى.
حالىقارالىق جۇك تاسىمالدارىن جۇزەگە اسىرۋعا ارنالماعان اۆتوموبيلدەر تۋرالى مالىمەتتەردى ۇسىنۋ فاكتىلەرى انىقتالعان جاعدايدا كارتوچكالاردى بەرۋ شەكتەلەتىن بولادى.
بۇگىنگى كۇنى تاسىمالداۋشىلاردىڭ كورسەتىلگەن مەملەكەتتىك قىزمەتتى الۋىنىڭ وڭتايلى بولۋى ءۇشىن بارلىق جاعدايلار جاسالعان، تىركەلگەن جەرى بويىنشا كەز كەلگەن جاقىن جەردە ورنالاسقان مەملەكەتتىك كورپوراتسياعا نەمەسە www.egov.kz, www.elincense.kz پورتالى ارقىلى قاشىقتىقتان جۇگىنە الاسىز.
دەلدالداردان تاۋەلسىز جانە ساق بولىڭىز.
قر يدم كولىك كوميتەتىنىڭ ءباسپاسوز قىزمەتى
