شىمكەنت قالاسى جاستار رەسۋرستىق ورتالىعىنىڭ باسشىلىعى قىزمەتكەرلەرگە الەۋمەتتىك جەلىدەگى جازباعا ءلۇپىل باسپاعانى ءۇشىن ەسكەرتۋ جاساعانى بەلگىلى بولدى، دەپ حابارلايدى “ادىرنا” ۇلتتىق پورتالى Facebook قولدانۋشىسى ازات ديداربەكتىڭ جازباسىنا سىلتەمە جاساپ.
جەلى قولدانۋشىسىنىڭ ايتۋىنشا، ورتالىق باسشىلىعى ءوز قىزمەتكەرلەرىنىڭ ارەكەتتەرىن الەۋمەتتىك جەلىلەر ارقىلى باقىلاپ، جازباعا رەاكتسيا بىلدىرمەگەندەردى قىسىمعا العان. ءتىپتى، مۇنداي جاعدايدىڭ سالدارىنان قىزمەتكەرلەردىڭ ءبىرى مازاسى كەتىپ، جەدەل جاردەم شاقىرۋعا ءماجبۇر بولعان.
“ماسەلەلەردى شەشۋدىڭ ورنىنا، ورتالىق باسشىلىعى ماسەلە كوتەرگەن جاستارمەن اينالىسىپ وتىر ما؟” – دەپ جازدى ازات ديداربەك. ول سونداي-اق شىمكەنت قالاسىنىڭ اكىمىنە قاراستى تۇلعالارعا جاعدايعا نازار اۋدارۋعا شاقىردى.
شىمكەنت قالاسىنىڭ ىشكى ساياسات جانە جاستار ىستەرى جونىندەگى باسقارماسىنىڭ باسشىسى ايگەرىم جۇماعۇلوۆا بۇل جاعدايدان حاباردار ەكەنىن ايتىپ، ءىستى جەكە باقىلاۋىنا العانىن جەتكىزدى.
“جاعداي ءادىل جانە وبەكتيۆتى تۇردە قارالادى”، – دەدى ول Instagram پاراقشاسىندا.
