Shymkent qalasy Jastar resýrstyq ortalyǵynyń basshylyǵy qyzmetkerlerge áleýmettik jelidegi jazbaǵa lúpil baspaǵany úshin eskertý jasaǵany belgili boldy, dep habarlaıdy “Adyrna” ulttyq portaly Facebook qoldanýshysy Azat Dıdarbektiń jazbasyna silteme jasap.
Jeli qoldanýshysynyń aıtýynsha, ortalyq basshylyǵy óz qyzmetkerleriniń áreketterin áleýmettik jeliler arqyly baqylap, jazbaǵa reakııa bildirmegenderdi qysymǵa alǵan. Tipti, mundaı jaǵdaıdyń saldarynan qyzmetkerlerdiń biri mazasy ketip, jedel járdem shaqyrýǵa májbúr bolǵan.
“Máselelerdi sheshýdiń ornyna, ortalyq basshylyǵy másele kótergen jastarmen aınalysyp otyr ma?” – dep jazdy Azat Dıdarbek. Ol sondaı-aq Shymkent qalasynyń ákimine qarasty tulǵalarǵa jaǵdaıǵa nazar aýdarýǵa shaqyrdy.
Shymkent qalasynyń Ishki saıasat jáne jastar isteri jónindegi basqarmasynyń basshysy Aıgerim Jumaǵulova bul jaǵdaıdan habardar ekenin aıtyp, isti jeke baqylaýyna alǵanyn jetkizdi.
“Jaǵdaı ádil jáne obektıvti túrde qaralady”, – dedi ol Instagram paraqshasynda.
