2025 جىلى ەلىمىز ۇلى وتان سوعىسىنداعى جەڭىستىڭ 80 جىلدىعىن اتاپ وتۋدە. بۇل — تاريحىمىزعا تاعزىم، ەرلىك پەن ەلدىككە قۇرمەت بىلدىرەتىن ماڭىزدى كەزەڭ. اتالعان مەرەيتوي اياسىندا ۇلىتاۋ وبلىسىندا وبلىس اكىمى داستان ادايۇلى رىسپەكوۆ بەكىتكەن كەشەندى جوسپار ازىرلەنىپ، جۇزەگە اسىرىلۋدا.
مەرەيتويلىق ءىس-شارالار «ۇلى جەڭىس: ەرلىككە - تاعزىم، ۇرپاققا - ۇلگى» اتاۋىمەن ىسكە اسۋدا. جوسپار 48 تارماقتان تۇرىپ، 200-دەن استام ۇيىمداستىرۋشىلىق، پاتريوتتىق، مادەني، الەۋمەتتىك جانە اقپاراتتىق باعىتتاعى ءىس-شارالاردى قامتيدى.
باستى باعىتتار: ۇيىمداستىرۋ-دايىندىق جۇمىستارى، 7–9 مامىر ارالىعىنداعى مەرەكەلىك ءىس-شارالار، اسكەري-پاتريوتتىق اكتسيالار، مادەني جانە سپورتتىق باعدارلامالار، عىلىمي-تانىمدىق جوبالار مەن اقپاراتتىق-يميدجدىك جۇمىس.
بۇگىندە وبلىس بويىنشا 394 تىل ەڭبەككەرى بار. ولاردىڭ اراسىندا جەزقازعاندا – 178, ساتباەۆتا – 145, قاراجالدا – 16, جاڭاارقادا – 33, ۇلىتاۋدا – 22 ادام تۇرادى. ارداگەرلەر مەن تىل ەڭبەككەرلەرىن قولداۋ – باستى نازاردا. بىرجولعى الەۋمەتتىك كومەك رەتىندە تىل ەڭبەككەرلەرىنە – 100 000 تەڭگە (394 ادام), جاسى كامەلەتكە تولماعان بۇرىنعى تۇتقىندارعا – 100 000 تەڭگە (3 ادام), سوعىستا قازا تاپقان جاۋىنگەرلەردىڭ جەسىرلەرىنە – 50 000 تەڭگە (22 ادام) بەرىلەدى.
جىل بويى ارداگەرلەرگە مەديتسينالىق تەكسەرۋلەر، ءۇي جاعدايىندا ەمدەۋ، ءدارى-دارمەكپەن قامتۋ جۇمىستارى جۇرگىزىلۋدە. سونداي-اق، ازىق-تۇلىك سەبەتتەرى ۇلەستىرىلىپ، پاتروناتتىق جۇمىستار قولعا الىنعان.
مەرەيتوي اياسىندا «ارداعىم – ارداگەرىم»، «مەنىڭ اتام – جاۋىنگەر» سىندى چەللەندجدەر ۇيىمداستىرىلىپ، 1000-نان استام جاس اتسالىسۋدا. العاش رەت «جاس سارباز» اسكەري-پاتريوتتىق جارىسى وتۋدە. وعان وبلىستاعى مەكتەپتەر مەن كوللەدجدەر بەلسەنە قاتىسۋدا. سونىمەن قاتار، 800 جاس ساربازدى اسكەرگە شىعارىپ سالۋ ءراسىمى دە جەڭىس مەرەيتويىنا ارنالماق.
وبلىستىڭ بارلىق مادەنيەت مەكەمەلەرىندە ارداگەرلەرگە تاعزىم ەتۋ، جاس ۇرپاققا پاتريوتتىق تاربيە بەرۋ ماقساتىندا جۇزدەگەن ءىس-شارا ۇيىمداستىرىلدى. اتاپ ايتقاندا، «ماڭگىلىك ۇلىقتالار ۇلى جەڭىس!» اتتى فوتوقۇجات كورمەسى، «عيبراتتى عۇمىر» ەسكە الۋ كەشى، «ەرلىككە ورىلگەن ءومىر» تاعزىم كەشتەرى، «ەر ەسىمى – ەل ەسىندە» مۋزەيلىك اكتسياسى جانە وقۋشىلار اراسىندا دراما فەستيۆالى ءوتتى.
جەزدى مۋزەيىندە «ۇلى جەڭىسكە – 80 جىل» تاقىرىبىندا كورمەلەر، «مەنىڭ اتام – مايدانگەر» اتتى ونلاين بەينەجوبالار، «ءبىزدىڭ باتىر جەرلەستەر» كورمەسى جانە وبلىستىق امبەباپ كىتاپحانادا تاعزىم كەشتەرى ۇيىمداستىرىلدى.
«جاس سارباز» جارىسىنان بولەك، «بيارت» ۇلتتىق بي فەستيۆالى، اجەلەر ءانسامبلىنىڭ بايقاۋى، پاتريوتتىق اندەر بايقاۋى، «جارالى گۇلدەر» سپەكتاكلى، ءمۇشايرالار مەن تەاترلاندىرىلعان قويىلىمدار كورەرمەن نازارىنا ۇسىنىلدى. جاستار اراسىندا پاتريوتتىق باعىتتاعى فلەشموبتار مەن چەللەندجدەر دە الەۋمەتتىك جەلىلەردە كەڭىنەن تارالۋدا.
6–9 مامىر ارالىعىندا وبلىستا نەگىزگى مەرەكەلىك شارالار وتەدى. 9 مامىردا وبلىس ورتالىعىندا «ماڭگىلىك الاۋ» جانىندا جىلجىمالى كورمە، «جەڭىس جالاۋىن جەلبىرەتىپ…» تەاترلاندىرىلعان قويىلىم، «جۋراۆلي» انىنە حورەوگرافيالىق كومپوزيتسيا، گۇل شوقتارىن قويۋ ءراسىمى، دالالىق اسحانا، مەرەكەلىك كونتسەرت جانە وتشاشۋ ۇيىمداستىرىلادى. بارلىق ارداگەرلەرگە «ۇلى جەڭىستىڭ 80 جىلدىعى» مەرەيتويلىق مەدالدارى تابىستالادى. سونىمەن قاتار، 7 مامىردا وتەتىن رەسپۋبليكالىق پارادقا ۇلىتاۋ وبلىسىنان تىل ەڭبەككەرلەرى، اۋعان سوعىسى جانە چەرنوبىل اپاتىنا قاتىسۋشىلاردان قۇرالعان دەلەگاتسيا اتتانادى.
جەڭىس ەسكەرتكىشتەرى مەن مەموريالدارعا جوندەۋ جانە اباتتاندىرۋ جۇمىستارى جۇرگىزىلۋدە. «تاڭبالى تاس» ساياباعىنداعى مونۋمەنت، جەزدى، قارساقپاي، سارىسۋ ەلدى مەكەندەرى مەن جەزقازعان جانە ساتباەۆ قالالارىنداعى ەسكەرتكىشتەر جاڭارتىلۋدا.
وبلىس اۋماعىندا 50-دەن استام باننەر ورناتىلىپ، 30-عا جۋىعى ءىلىندى. جەرگىلىكتى ارنالاردا 50-دەن استام بەينەروليك پەن ارنايى حابارلار كورسەتىلدى. «ۇلىتاۋ تۆ» مەن «اقشام تۆ» ارنالارى 20-دان استام ارنايى باعدارلاما ازىرلەدى.
