بيىل 28 اقپاندا پرەزيدەنتتىڭ كومەكشىسى بولىپ تاعايىندالعان قانات شارلاپاەۆ "سامۇرىق-قازىنا” ديرەكتورلار كەڭەسىنىڭ مۇشەسى بولىپ سايلاندى، دەپ حابارلايدى “ادىرنا” ۇلتتىق پورتالى.
"سامۇرىق-قازىنا" ۇلتتىق ءال-اۋقات قورى" اق (تيكەرى KASE -SKKZ) جالعىز اكتسيونەرىنىڭ 2025 جىلدىڭ 12 ساۋىرىندەگى شەشىمىمەن قانات شارلاپاەۆ قوعامنىڭ ديرەكتورلار كەڭەسىنىڭ مۇشەسى بولىپ سايلاندى. ەنگىزىلگەن وزگەريستى ەسكەرە وتىرىپ، "سامۇرىق-قازىنا" ۇلتتىق ءال-اۋقات قورى" اق ديرەكتورلار كەڭەسى جەتى ادامنان تۇرادى", دەلىنگەن حابارلامادا.
ەسكە سالايىق، 28 اقپاندا پرەزيدەنت قاسىم-جومارت توقاەۆ قانات شارلاپاەۆتى كومەكشىسى ەتىپ تاعايىنداعان بولاتىن.
قانات شارلاپاەۆ 1981 جىلى ساراتوۆ وبلىسىندا دۇنيەگە كەلگەن، قازاقستان رەسپۋبليكاسىنىڭ ازاماتى.
ساراتوۆ الەۋمەتتىك-ەكونوميكالىق ۋنيۆەرسيتەتىن (رف), Cranfield School of Management (ۇلىبريتانيا) تامامداعان. ەڭبەك جولىن 2003 جىلى بانك سەكتورىندا باستادى.
2006-2008 جىلدارى وڭىرلىك كەڭسەنىڭ قارجى دەپارتامەنتىندە، جوبالاردى باسقارۋ دەپارتامەنتىندە، وپەراتسيالىق-تەحنولوگيالىق دەپارتامەنتىندە، «سيتي» ينۆەستبانكىنىڭ ساتۋ باسقارماسىندا (ۇلىبريتانيا، چەحيا) جۇمىس ىستەدى.
2008-2014 جىلدارى - «سيتي» ينۆەستبانك اكتسيالار نارىعىندا جۇمىس جونىندەگى وڭىرلىك ديۆيزيونىنىڭ اعا تالداۋشىسى، ۆيتسە-پرەزيدەنتىنىڭ كومەكشىسى، ۆيتسە-پرەزيدەنتى (لوندون، ۇلىبريتانيا).
2014-2015 جىلدارى – «سيتي» ينۆەستبانكىنىڭ ەۋروپا، تاياۋ شىعىس جانە افريكا بويىنشا ستراتەگيالىق جوسپارلاۋ جانە تالداۋ وڭىرلىك توبىنىڭ ۆيتسە-پرەزيدەنتى (لوندون، ۇلىبريتانيا).
2015-2017 جىلدارى - سيتيبانك قازاقستاننىڭ باس قارجى ديرەكتورى، باسقارما توراعاسىنىڭ ورىنباسارى، اعا ۆيتسە-پرەزيدەنتى.
2017-2020 جىلدارى - رەسەي سيتيبانكىنىڭ رەسەي، ۋكراينا جانە قازاقستان بويىنشا باس قارجى ديرەكتورى، اعا ۆيتسە-پرەزيدەنتى.
2020-2022 جىلدارى – «سيتي» ينۆەستيتسيالىق بانكىنىڭ ء(باا) افريكا، تاياۋ شىعىس پەن شىعىس ەۋروپانىڭ دامۋشى نارىقتارىنداعى ستراتەگيا، جوسپارلاۋ جانە تالداۋ جونىندەگى وڭىرلىك ديرەكتورى.
2022 جىلعى 2 اقپاندا «بايتەرەك» ۇلتتىق باسقارۋشى حولدينگى» اق-نىڭ باسقارما توراعاسى قىزمەتىنە تاعايىندالدى.
