مەملەكەت باسشىسى قاسىم-جومارت توقاەۆ Chevron كورپوراتسياسى ديرەكتورلار كەڭەسىنىڭ توراعاسى مايكل ءۋيرتتى قابىلدادى. بۇل تۋرالى بۇگىن، 14 ساۋىردە اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
كەزدەسۋ بارىسىندا پرەزيدەنت پەن امەريكالىق Chevron ەنەرگەتيكالىق كورپوراتسياسى ديرەكتورلار كەڭەسىنىڭ توراعاسى ستراتەگيالىق ارىپتەستىكتىڭ قازىرگى احۋالى مەن پەرسپەكتيۆاسىن تالقىلادى.
مەملەكەت باسشىسى Chevron كومپانياسىمەن سەرىكتەستىك ەلىمىزدەگى ەنەرگەتيكا سالاسىن تۇراقتى دامىتۋدا نەگىزگى ءرول اتقاراتىنىن اتاپ ءوتتى.
قاسىم-جومارت توقاەۆ مايكل ءۋيرتتى «تەڭىز» كەن ورنىن كەڭەيتۋ جوباسىنىڭ تابىستى اياقتالۋىمەن قۇتتىقتادى.
كەزدەسۋدە ءىرى ينۆەستيتسيالىق جوبالارعا، سونىڭ ىشىندە گاز جانە مۇناي حيمياسى وندىرىسىنە ەرەكشە نازار اۋدارىلدى.
پرەزيدەنت وتاندىق كومپانيالاردىڭ مۇناي-گاز سەكتورىنداعى ۇلەسىن ارتتىرۋدىڭ وزەكتىلىگىن اتاپ ءوتىپ، Chevron كومپانياسىمەن ءوزارا ءتيىمدى ءارى ۇزاق مەرزىمدى ىنتىماقتاستىقتى تەرەڭدەتۋگە دايىن ەكەنىنە توقتالدى.
مايكل ۋيرت قازاقستان كومپانيانىڭ ستراتەگيالىق ءارى سەنىمدى سەرىكتەسى بولىپ قالا بەرەتىنىن جەتكىزدى. سونداي-اق «تەڭىزشەۆرويل» بىرلەسكەن كاسىپورنى 1993 جىلدان 2024 جىلعا دەيىن ەلىمىزگە ايتارلىقتاي ينۆەستيتسيا سالعانىن ايتتى.
