بۇگىن الماتىدا بلوگەر، «Qaznews24» پابليگىنىڭ يەسى تەمىرلان ەڭسەبەككە قاتىستى سوت پروتسەسى باستالدى. پروتسەسس ناۋرىزباي اۋداندىق سوتىندا ءوتىپ جاتىر.
تەمىرلان ەڭسەبەككە ۇلتارالىق الاۋىزدىقتى قوزدىردى دەگەن ايىپپەن سوتقا تارتىلۋدا.
2024 جىلدىڭ 21 قاڭتارىندا ت.ەڭسەبەك ءوزىنىڭ تانىمال ارناسىندا «قازاقستاندىق رەپەرلەر تينا كاندەلاكيگە قاتال جاۋاپ جازدى» دەگەن ماتەريال جاريالادى.
بۇل جاريالانىمدا ۇلتارالىق سيپاتتاعى ارانداتۋشىلىق مازمۇنداعى ءان مەن ء(اندى ورىنداۋشى بەلگىسىز), ونىڭ ىشىندە ورىس ۇلتىنىڭ وكىلدەرىنە قاراتىلعان «بەيادەپ» سوزدەر بار دەلىنەدى. سوت ارنايى ساراپتاما جاساتقان. ساراپتاما ت.ەڭسەبەكتىڭ جاريالانىمىندا «ەتنيكالىق ورىستاردى قورلاۋ بەلگىلەرى بار» دەگەن قورىتىندى شىعارعان.
پروتسەسس بارىسىندا سوت ت.ەڭسەبەكتىڭ قوعامدىق قورعاۋشىسى، اكەسىنىڭ سوت جۇرگىزۋ تىلىنە قاتىستى كوتەرگەن ماسەلەسىنە جاۋاپ بەردى.
«ۇلىڭىز، سوتتالۋشى تەمىرلان ەڭسەبەكتىڭ سوت جۇرگىزۋ ءتىلى رەتىندە ورىس ءتىلىن تاڭداعانىن ەسىڭىزگە سالامىن. ءسىز سوتتالۋشىنىڭ وكىلى رەتىندە بۇل تۋرالى بىلەسىز. ورىس ءتىلىن تاڭداعان ءبىز ەمەس، ءسىزدىڭ بالاڭىز. بىراق، ءسىز سوعان قاراماستان، جۇرت الدىندا سۇراق قويىپ، پروتسەدۋرانى بۇزىپ وتىرسىز. مەن انا ءتىلىمدى بىلەمىن، جەتىك مەڭگەرگەنمىن. سوتتى قازاق تىلىندە جۇرگىزەيىك دەسەڭىز، جۇرگىزەيىك. بىراق، سوتتالۋشى تەمىرلان ەڭسەبەك ءدال وسى جەردە زاڭدا بەلگىلەنگەن تارتىپكە سايكەس، سوت ءتىلىن اۋىستىرۋ تۋرالى ءوتىنىشىن ايتسىن. بۇل ەرتەڭ سوت نەگە ورىس تىلىندە جۇرگىزىلمەدى دەپ داۋ شىعارماۋ ءۇشىن كەرەك. ءتىل تۋرالى ماسەلەنى ۋشىقتىرۋدىڭ قاجەتى جوق ەكەنىن مەن سىزگە ەسكەرتەمىن. زاڭ بارىمىزگە ورتاق»، - دەدى.
