Búgin Almatyda bloger, «Qaznews24» pablıginiń ıesi Temirlan Eńsebekke qatysty sot proesi bastaldy. Proess Naýryzbaı aýdandyq sotynda ótip jatyr.
Temirlan Eńsebekke ultaralyq alaýyzdyqty qozdyrdy degen aıyppen sotqa tartylýda.
2024 jyldyń 21 qańtarynda T.Eńsebek óziniń tanymal arnasynda «Qazaqstandyq reperler Tına Kandelakıge qatal jaýap jazdy» degen materıal jarııalady.
Bul jarııalanymda ultaralyq sıpattaǵy arandatýshylyq mazmundaǵy án men (ándi oryndaýshy belgisiz), onyń ishinde orys ultynyń ókilderine qaratylǵan «beıádep» sózder bar delinedi. Sot arnaıy saraptama jasatqan. Saraptama T.Eńsebektiń jarııalanymynda «etnıkalyq orystardy qorlaý belgileri bar» degen qorytyndy shyǵarǵan.
Proess barysynda sot T.Eńsebektiń qoǵamdyq qorǵaýshysy, ákesiniń sot júrgizý tiline qatysty kótergen máselesine jaýap berdi.
«Ulyńyz, sottalýshy Temirlan Eńsebektiń sot júrgizý tili retinde orys tilin tańdaǵanyn esińizge salamyn. Siz sottalýshynyń ókili retinde bul týraly bilesiz. Orys tilin tańdaǵan biz emes, sizdiń balańyz. Biraq, siz soǵan qaramastan, jurt aldynda suraq qoıyp, proedýrany buzyp otyrsyz. Men ana tilimdi bilemin, jetik meńgergenmin. Sotty qazaq tilinde júrgizeıik deseńiz, júrgizeıik. Biraq, sottalýshy Temirlan Eńsebek dál osy jerde zańda belgilengen tártipke sáıkes, sot tilin aýystyrý týraly ótinishin aıtsyn. Bul erteń sot nege orys tilinde júrgizilmedi dep daý shyǵarmaý úshin kerek. Til týraly máseleni ýshyqtyrýdyń qajeti joq ekenin men sizge eskertemin. Zań bárimizge ortaq», - dedi.
