الماتىدا قاتتى جىلدامدىقپەن كەلە جاتقان موتوتسيكل جۇرگىزۋشىسى جول بويىندا جۇمىس ىستەپ تۇرعان ءۇش جۇمىسشىنى قاعىپ كەتتى، دەپ حابارلايدى "ادىرنا" ۇلتتىق پورتالى.
ولاردىڭ ەكەۋى وقيعا ورنىندا قايتىس بولدى.
بۇل جانتۇرشىگەرلىك جول اپاتىنىڭ ۆيدەوسى الەۋمەتتىك جەلىدە تارادى.
ۆيدەودان موتوتسيكلدىڭ جەڭىل كولىككە سوعىلىپ، جول جيەگىنە شىعىپ كەتىپ، وندا تازالىق جۇمىستارىن جۇرگىزىپ جاتقان ءۇش جۇمىسشىعا سوعىلعانىن كورۋگە بولادى.
قۇلاعان موتوتسيكل قاققان ءۇش جۇمىسشىنىڭ ىشىنەن ەكى ەر ادام وقيعا ورنىندا قازا تاپقان. ال ايەل اۋرۋحاناعا جەتكىزىلگەن.
الماتى پوليتسياسىنىڭ مالىمەتىنشە، جول ەرەجەسىن بۇزعان موتوتسيكل جۇرگىزۋشىسى امان قالعان جانە قازىرگى ۋاقىتتا اۋرۋحانادا كۇزەتشى باقىلاۋىندا جاتىر.
