شىمكەنتتە سالماعى 7 كەلىگە جۋىق ءسابي دۇنيەگە كەلدى. بۇل تۋرالى بۇگىن، 7 ساۋىردە قالالىق دەنساۋلىق ساقتاۋ باسقارماسى ايتتى، دەم حابارلايدى «ادىرنا» ءتىلشىسى.
41 جاستاعى انا تابيعي جولمەن، ەشقانداي اسقىنۋسىز 6700 گرامم سالماقتاعى ءسابيدى ومىرگە اكەلگەن.
«بۇل – ەلىمىزدە سيرەك كەزدەسەتىن جاعداي. ۇل بالا وتباسىنداعى التىنشى پەرزەنت اتانىپ وتىر. كوپ بالالى انا بۇعان دەيىن ءتورت ۇل، ءبىر قىز دۇنيەگە اكەلىپ، تاربيەلەپ وتىر. قازىرگى تاڭدا انانىڭ دا، بالانىڭ دا جاعدايلارى جاقسى. ەڭ تاڭعالارلىعى – الىپ بالانى اناسى ءوزى بوسانىپ، وتا دا، كۇردەلى ارالاسۋ دا قاجەت بولمادى»،—دەلىنگەن حابارلامادا.
ايتا كەتەيىك، جىل باسىنان بەرى شىمكەنتتە جىل باسىنان بەرى 6719 ءسابي دۇنيەگە كەلگەن. ونىڭ ىشىندە 3271 قىز بالا، 3448 ۇل بالا بار.
