امەريكالىق كونگرەسس مۇشەسى، دەموكراتيالىق پارتيا وكىلى ەل گرين اقش پرەزيدەنتى دونالد ترامپقا يمپيچمەنت جاريالاۋ جوسپارىن ءبىلدىردى، دەپ حابارلايدى "ادىرنا" ۇلتتىق پورتالى.
بۇل تۋرالى كونگرەسسمەن 2025 جىلدىڭ 5 ساۋىرىندە وتكەن دەمونستراتسيا كەزىندە ايتتى، دەپ جازادى The Hill.
«30 كۇن ىشىندە مەن اقش پرەزيدەنتى دونالد ترامپقا قارسى يمپيچمەنت پروتسەسىن باستاۋعا نيەتتىمىن»، – دەدى گرين.
ول ءسوز بارىسىندا امەريكالىق كوشباسشىنى بيبليالىق گوليافپەن سالىستىرىپ، ءوزىن داۆيد رەتىندە اتادى. ول اقش پرەزيدەنتىنە ادىلەت پەن حالىقتى باسقارۋ ماسەلەلەرىندە سەنىم ارتىلماۋى كەرەكتىگىن اتاپ ءوتتى.
اقش-تا ترامپتىڭ ساياساتى مەن يمپورتتىق باج سالىعىن ەنگىزۋگە قارسى ءىرى دەمونستراتسيالار باستالدى.
The Guardian گازەتىنىڭ مالىمەتىنشە، نارازىلىقتى تۋدىرعان سەبەپتەردىڭ ءبىرى – كاسىپكەر ءارى اقش مەملەكەتتىك تيىمدىلىك دەپارتامەنتىنىڭ (DOGE) باسشىسى يلون ماسكتىڭ ساياساتى، دەنساۋلىق ساقتاۋ شىعىندارىنىڭ قىسقارۋى، ەكولوگيا مەن ۇلتتىق پاركتەردى قولداۋعا ارنالعان شارالاردىڭ ازايۋى.
