ورتا سالماقتاعى الەم چەمپيونى، قازاقستاندىق بوكسشى جانىبەك ءالىمحانۇلى استانادا وتكەن بوكس كەشىندە IBF رەيتينگىندەگى 7-ورىنداعى فرانتسۋز اناۋەل نگاميسسەنگەنى نوكاۋتپەن جەڭدى، دەپ حابارلايدى "ادىرنا" ۇلتتىق پورتالى.
ءبىرىنشى راۋندتىڭ سوڭىندا قازاقستاندىق چەمپيونىڭ جويقىن سوققىسى ءدال ءتيىپ، قارسىلاسى ەدەنگە قۇلادى. تورەشى نوكداۋندى ەسەپتەدى. سودان كەيىن راۋندتىڭ اياقتالعانىن بىلدىرەتىن گونگ سوعىلدى.
ءۇشىنشى راۋندقا قاراي رينگتەگى جاعداي تەڭەسىپ، نگاميسسەنگە بىرنەشە قاۋىپتى قارىمتا شابۋىلدار جاسادى.
الايدا بەسىنشى راۋندتا جەڭىلىس كورمەگەنقازاقستاندىق چەمپيون ءالىمحانۇلى قارسىلاسىن تۇبەگەيلى نوكاۋتقا جىبەردى. بۇل جەڭىس بوكسشىنىڭ كاسىپقوي مانسابىنداعى 17-ءشى جەڭىسى بولدى.
مەملەكەت باسشىسى كاسىپقوي بوكسشى جانىبەك ءالىمحانۇلىن ورتا سالماقتا WBO جانە IBF تۇجىرىمدارى بويىنشا چەمپيوندىق بەلبەۋلەرىن ءساتتى قورعاۋىمەن قۇتتىقتادى.
قاسىم-جومارت توقاەۆ سپورتشىنىڭ جوعارى دەڭگەيدەگى شەبەرلىگى مەن تاباندىلىعى، تۋعان جەرىمىزدە ەل نامىسىن ابىرويمەن قورعاۋى بارشامىز ءۇشىن زور ماقتانىش ەكەنىن اتاپ ءوتتى.
پرەزيدەنت جانىبەكتىڭ بۇدان دا ۇلكەن جەڭىستەرگە جەتە بەرۋىنە تىلەكتەستىك ءبىلدىردى.
