2025 جىلدىڭ ءبىرىنشى توقسانىنىڭ قورىتىندىسى بويىنشا قىتاي مەن قازاقستان شەكاراسىنداعى قورعاس شەكارالىق باقىلاۋ پۋنكتى ارقىلى وتكەن جولاۋشىلار اعىنى 30 پايىزعا ءوستى، دەپ حابارلايدى "ادىرنا" ۇلتتىق پورتالى سينحۋاعا سىلتەپ.
ادام سانى 280 مىڭعا جەتكەن. بۇل – تاريحي رەكورد. بۇل تۋرالى سينتسزيان-ۇيعىر اۆتونوميالىق اۋدانىنىڭ شەكارا قىزمەتى حابارلادى.
ادام سانىنىڭ كۇرت ارتۋىنا 2023 جىلدىڭ قاراشا ايىندا قىتاي مەن قازاقستان اراسىندا ەنگىزىلگەن ۆيزاسىز رەجيم سەبەپ بولدى. قازىرگى ۋاقىتتا قورعاس ارقىلى كۇنىنە شامامەن 2000 ادام شەكارادان وتۋدە.
تۋريستەر اراسىندا ەكى ەل اۋماعىندا جەكە كولىكپەن ساياحات جاساۋ ءۇردىسى ارتىپ كەلەدى. فۋتسزيان پروۆينتسياسىنىڭ تۇرعىنى حۋان چجەنگۋان ەل تۋرالى پىكىرىن ايتتى.
"قازاقستان – ورتالىق ازياداعى ەڭ ءىرى مەملەكەت. ەلدىڭ تابيعاتى مەن مادەنيەتىن جاقسىراق تانىپ-ءبىلۋ ءۇشىن الماتى مەن استاناعا جەكە كولىگىمىزبەن بارۋدى شەشتىك،" – دەپ ءوز اسەرىمەن ءبولىستى.
ايتا كەتەيىك، قازىرگى تاڭدا قورعاستى قازاقستاننىڭ ءار وڭىرىمەن بايلانىستىراتىن 4 تۇراقتى اۆتوبۋس مارشرۋتى جۇمىس ىستەيدى.
