2025 jyldyń birinshi toqsanynyń qorytyndysy boıynsha Qytaı men Qazaqstan shekarasyndaǵy Qorǵas shekaralyq baqylaý pýnkti arqyly ótken jolaýshylar aǵyny 30 paıyzǵa ósti, dep habarlaıdy "Adyrna" ulttyq portaly Sınhýaǵa siltep.
Adam sany 280 myńǵa jetken. Bul – tarıhı rekord. Bul týraly Sınzıan-Uıǵyr avtonomııalyq aýdanynyń shekara qyzmeti habarlady.
Adam sanynyń kúrt artýyna 2023 jyldyń qarasha aıynda Qytaı men Qazaqstan arasynda engizilgen vızasyz rejım sebep boldy. Qazirgi ýaqytta Qorǵas arqyly kúnine shamamen 2000 adam shekaradan ótýde.
Týrıster arasynda eki el aýmaǵynda jeke kólikpen saıahat jasaý úrdisi artyp keledi. Fýzıan provınııasynyń turǵyny Hýan Chjengýan el týraly pikirin aıtty.
"Qazaqstan – Ortalyq Azııadaǵy eń iri memleket. Eldiń tabıǵaty men mádenıetin jaqsyraq tanyp-bilý úshin Almaty men Astanaǵa jeke kóligimizben barýdy sheshtik," – dep óz áserimen bólisti.
Aıta keteıik, qazirgi tańda Qorǵasty Qazaqstannyń ár óńirimen baılanystyratyn 4 turaqty avtobýs marshrýty jumys isteıdi.
