2025 jyldyŋ bırınşı toqsanynyŋ qorytyndysy boiynşa Qytai men Qazaqstan şekarasyndaǧy Qorǧas şekaralyq baqylau punktı arqyly ötken jolauşylar aǧyny 30 paiyzǧa östı, dep habarlaidy "Adyrna" ūlttyq portaly Sinhuaǧa sıltep.
Adam sany 280 myŋǧa jetken. Būl – tarihi rekord. Būl turaly Sinszian-Ūiǧyr avtonomiialyq audanynyŋ şekara qyzmetı habarlady.
Adam sanynyŋ kürt artuyna 2023 jyldyŋ qaraşa aiynda Qytai men Qazaqstan arasynda engızılgen vizasyz rejim sebep boldy. Qazırgı uaqytta Qorǧas arqyly künıne şamamen 2000 adam şekaradan ötude.
Turister arasynda ekı el aumaǧynda jeke kölıkpen saiahat jasau ürdısı artyp keledı. Fuszian provinsiiasynyŋ tūrǧyny Huan Chjenguan el turaly pıkırın aitty.
"Qazaqstan – Ortalyq Aziiadaǧy eŋ ırı memleket. Eldıŋ tabiǧaty men mädenietın jaqsyraq tanyp-bılu üşın Almaty men Astanaǧa jeke kölıgımızben barudy şeştık," – dep öz äserımen bölıstı.
Aita keteiık, qazırgı taŋda Qorǧasty Qazaqstannyŋ är öŋırımen bailanystyratyn 4 tūraqty avtobus marşruty jūmys ısteidı.
