تاياۋدا ءال-فارابي اتىنداعى قازاق ۇلتتىق ۋنيۆەرسيتەتىندە الماتى قالاسى اكىمدىگىمەن بىرلەسىپ «عىلىم، بيزنەس جانە ءوندىرىستىڭ ينتەگراتسياسى» فورۋمى ءوتتى.
ءىس-شاراعا الماتى قالاسىنىڭ اكىمى ەربولات دوساەۆ، قازۇۋ-دىڭ باسقارما توراعاسى – رەكتور جانسەيىت تۇيمەباەۆ، ەكولوگيا جانە قورشاعان ورتانى قورعاۋ، سەيسميكالىق قاۋىپسىزدىك سالاسىنداعى وكىلدەر مەن ساراپشىلار، سونداي-اق وندىرىسكە يننوۆاتسيالىق تەحنولوگيالاردى ەنگىزۋشى كومپانيالار، عىلىمي قاۋىمداستىق جانە 200- گە جۋىق بيزنەس وكىلدەرى قاتىستى.
فورۋمدا عىلىم مەن بيزنەستىڭ بايلانىسىن نىعايتۋ، يننوۆاتسيالاردى ەنگىزۋ جانە قالالىق ينفراقۇرىلىمدى دامىتۋ ماسەلەلەرى تالقىلاندى. فورۋم شەڭبەرىندە قازۇۋ مەن جەتەكشى كومپانيالار اراسىنداعى ىنتىماقتاستىق تۋرالى كەلىسىمدەرگە قول قويىلدى، سونداي-اق پانەلدىك پىكىرتالاس ءوتتى.
جيدەگۇل ابدىجادىلقىزى
ءال-فارابي اتىنداعى قازۇۋ دوتسەنتى
