پاۆلودار وبلىسىنىڭ باياناۋىل اۋدانىندا دالا ءورتى ءسوندىرىلىپ جاتىر. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
4 ءساۋىر كۇنى 112 پۋلتىنە جاسىباي ورمان شارۋاشىلىعى اۋماعىندا قۇرعاق ءشوپتىڭ جانعانى تۋرالى اقپارات تۇسكەن.
ء“ورتتى سوندىرۋگە دەرەۋ تجد، ورمان شارۋاشىلىعى، "قازاۆيالەسووحرانا" جانە جاسىباي ورمان شارۋاشىلىعىنىڭ كۇشتەرى مەن تەحنيكالارى جۇمىلدىرىلدى. قازىرگى ۋاقىتتا ءورتتى سوندىرۋگە 70-كە جۋىق ادام جانە 20-دان استام تەحنيكا تارتىلعان. الايدا قاتتى جەل مەن قۇرعاق وسىمدىكتەردىڭ كوپتىگى جالىننىڭ تەز تارالۋىنا سەبەپ بولىپ وتىر”، – دەلىنگەن حابارلامادا.
وقيعا ورنىنا پاۆلودار وبلىسى تجد باسشىلىعى مەن اكىمدىك وكىلدەرى اتتاندى. تجم جانە وبلىستىق تجد جەدەل شتابى قۇرىلدى.
“قوسىمشا ءورت ورنىنا 38 تجد قىزمەتكەرى مەن 11 ارنايى تەحنيكا جىبەرىلدى. جاعداي ەرەكشە باقىلاۋدا”، – دەپ حابارلادى توتەنشە جاعدايلار قىزمەتى.
