ارمەنيا رەسپۋبليكاسىنىڭ پرەمەر-ءمينيسترى نيكول پاشينياننىڭ شەشىمىمەن 17-18 تامىز ارالىعىندا «سۋرمالۋ» ساۋدا ورتالىعىندا بولعان جارىلىس قۇرباندارىن ەسكە الۋ ءۇشىن قارالى كۇندەر جاريالاندى، دەپ حابارلايدى “ادىرنا” ۇلتتىق پورتالى.
«نوۆوستي-ارمەنيا» اگەنتتىگىنىڭ حابارلاۋىنشا، بۇل كۇندەرى ەل جالاۋى جارتى شتاتقا دەيىن جەلبىرەتىلىپ، حابار تاراتۋشىلاردىڭ جارنامالىق جانە ويىن-ساۋىق باعدارلامالارىن كورسەتۋىنە تىيىم سالىنعان.
ايتا كەتەيىك، 14 تامىز كۇنى ساعات 13.23-تە «سۇرمالۋ» ساۋدا ورتالىعىندا جارىلىس بولىپ، ودان كەيىن ءورت شىققان. الدىن الا مالىمەت بويىنشا، پيروتەحنيكالىق زاتتار قويماسى جارىلىپ، اۋماعى 2,8 مىڭ شارشى مەتردەن اساتىن ءۇش قاباتتى عيمارات جارتىلاي وپىرىلعان.
توتەنشە جاعدايلار مينيسترلىگىنىڭ مالىمەتىنشە، جارىلىس سالدارىنان 16 ادام قازا تاۋىپ، ەكەۋى ءىز-ءتۇزسىز جوعالعان. 62 ادام زارداپ شەكتى، ونىڭ ىشىندە بالالار دا بار. زارداپ شەككەندەر قالانىڭ ءتۇرلى مەديتسينالىق ورتالىقتارىنا جاتقىزىلدى. سەيسەنبىدەگى جاعداي بويىنشا 7 ازامات اۋرۋحانادا جاتىر، قالعاندارىنا مەديتسينالىق كومەك كورسەتىلگەننەن كەيىن ۇيلەرىنە شىعارىلدى. 1 گا اۋماقتا ىزدەستىرۋ-قۇتقارۋ جۇمىستارى جۇرگىزىلۋدە. 17-18 تامىزدا ارمەنيا مەن ارتساحتا قارالى كۇن جاريالاندى.
”ادىرنا” ۇلتتىق پورتالى
