موڭعوليا پرەزيدەنتى ۋحنااگين حۋرەلسۇح قىرعىز رەسپۋبليكاسىنىڭ پرەزيدەنتى سادىر جاپاروۆتىڭ شاقىرۋىمەن قىرعىز رەسپۋبليكاسىنا مەملەكەتتىك ساپارمەن باردى، دەپ حابارلايدى "ادىرنا" ۇلتتىق پورتالى.
ساپار اياسىندا ەكى ەلدىڭ كوشباسشىلارى رەسمي كەلىسسوزدەر جۇرگىزىپ، ءداستۇرلى دوستىق قاتىناستاردى نىعايتۋ جانە دامىتۋ، سونداي-اق وڭىرلىك جانە حالىقارالىق دەڭگەيدەگى ىنتىماقتاستىقتى كەڭەيتۋ جولدارىن تالقىلادى.
موڭعوليا مەن قىرعىزستان اراسىنداعى ءوزارا ءىس-قيمىلدى تەرەڭدەتۋگە باعىتتالعان وننان استام ۇكىمەتارالىق جانە مەكەمەلەر اراسىنداعى كەلىسىمدەرگە قول قويۋ جوسپارلانعان.
ەكى ەل اراسىنداعى ديپلوماتيالىق قاتىناستار 1992 جىلعى 22 ساۋىردە ورناتىلعان.
موڭعوليا پرەزيدەنتىنىڭ شاقىرۋىمەن قىرعىز رەسپۋبليكاسىنىڭ پرەزيدەنتى 2023 جىلى موڭعولياعا مەملەكەتتىك ساپارمەن بارعان. سول ساپار اياسىندا جەكە كەزدەسۋلەر مەن رەسمي كەلىسسوزدەر ءوتىپ، ناتيجەسىندە موڭعوليا مەن قىرعىز رەسپۋبليكاسىنىڭ دوستىق قاتىناستارىن جانە ىنتىماقتاستىعىن تەرەڭدەتۋ تۋرالى بىرلەسكەن دەكلاراتسيا قابىلدانعان.
سونداي-اق ساپار بارىسىندا ەكولوگيا، اۋىل شارۋاشىلىعى، قۇقىق جانە ادىلەت سالالارىنداعى ىنتىماقتاستىقتى دامىتۋعا، سونداي-اق ەكى ەل استانالارى اراسىندا باۋىرلاستىق بايلانىستار ورناتۋعا ىقپال ەتەتىن بىرقاتار قۇجاتتارعا قول قويىلعان.
