بۇگىن، 31 ناۋرىزدا قىرعىزستان، وزبەكستان جانە تاجىكستان پرەزيدەنتتەرى سادىر جاپاروۆ، شاۆكات ميرزياەۆ جانە ەمومالي راحمون كەزدەسىپ، ءۇش ەلدىڭ شەكاراسى تۇيىسەتىن جەر تۋرالى كەلىسىم مەن ماڭگىلىك دوستىق تۋرالى حوجانت دەكلاراتسياسىنا قول قويدى، دەپ حابارلايدى «ادىرنا» ءتىلشىسى.
سالتاناتتى ءىس-شارا تاجىكستاننىڭ حوجانت قالاسىندا ءوتتى. تاريحي قۇجاتتا تاراپتاردىڭ مۇددەسى تولىق ەسكەرىلگەن. كەلىسىمدە شەكارا سىزىعى، ينفراقۇرىلىمداردى پايدالانۋ، بەيبىتشىلىكتى نىعايتۋعا باعىتتالعان تەتىكتەر سياقتى ماسەلەلەر دە قامتىلعان.
«قۇجات تۇراقتىلىق پەن ورنىقتى دامۋ ماقساتتارىن قامتاماسىز ەتۋگە، بۇكىل ءوڭىردىڭ حالىقارالىق بەدەلىن ارتتىرۋعا قىزمەت ەتەدى»، - دەلىنگەن وزبەكستان پرەزيدەنتىنىڭ سايتىندا.
ودان بولەك، شەكارالاردىڭ تۇيىسكەن جەرىندە دوستىق ستەللاسى ورناتىلدى.
كەزدەسۋدە تاراپتار ەكونوميكالىق ىنتىماقتاستىق، كولىك بايلانىستارىن دامىتۋ جانە جاسىل ەنەرگەتيكا سالاسىنداعى جوبالاردى تالقىلادى. وزبەكستان پرەزيدەنتى كەدەن پۋنكتتەرىن جاڭعىرتۋدى جانە ۇشجاقتى ساۋدا الاڭىن قۇرۋدى ۇسىندى. سونىمەن قاتار، كوشباسشىلار بىرلەسكەن مادەني ءىس-شارالاردى وتكىزۋگە كەلىستى.
