Búgin, 31 naýryzda Qyrǵyzstan, Ózbekstan jáne Tájikstan prezıdentteri Sadyr Japarov, Shavkat Mırzııaev jáne Emomalı Rahmon kezdesip, úsh eldiń shekarasy túıisetin jer týraly kelisim men Máńgilik dostyq týraly Hojant deklaraııasyna qol qoıdy, dep habarlaıdy «Adyrna» tilshisi.
Saltanatty is-shara Tájikstannyń Hojant qalasynda ótti. Tarıhı qujatta taraptardyń múddesi tolyq eskerilgen. Kelisimde shekara syzyǵy, ınfraqurylymdardy paıdalaný, beıbitshilikti nyǵaıtýǵa baǵyttalǵan tetikter sııaqty máseleler de qamtylǵan.
«Qujat turaqtylyq pen ornyqty damý maqsattaryn qamtamasyz etýge, búkil óńirdiń halyqaralyq bedelin arttyrýǵa qyzmet etedi», - delingen Ózbekstan prezıdentiniń saıtynda.
Odan bólek, shekaralardyń túıisken jerinde Dostyq stellasy ornatyldy.
Kezdesýde taraptar ekonomıkalyq yntymaqtastyq, kólik baılanystaryn damytý jáne jasyl energetıka salasyndaǵy jobalardy talqylady. Ózbekstan prezıdenti keden pýnktterin jańǵyrtýdy jáne úshjaqty saýda alańyn qurýdy usyndy. Sonymen qatar, kóshbasshylar birlesken mádenı is-sharalardy ótkizýge kelisti.
