قازاقستان مۇسىلماندار ءدىني باسقارماسى (قمدب) الەۋمەتتىك جەلىلەردە ءدىني ۋاعىز ايتىپ، ۇگىت-ناسيحات جۇرگىزەتىندەردى تەكسەرۋدى جوسپارلاپ وتىر. باسقارما وكىلدەرىنىڭ ايتۋىنشا، ءدىني دارىستەردى تەك رەسمي ۇستازدار مەن يمامدار جۇرگىزۋى كەرەك، دەپ حابارلايدى “ادىرنا” ۇلتتىق پورتالى.
قمدب ءباسپاسوز حاتشىسى اعابەك قوناربايۇلىنىڭ مالىمدەۋىنشە، ءدىني ساۋات بەرۋ جاۋاپكەرشىلىكتى تالاپ ەتەدى، ال دۇرىس ەمەس اقپارات تاراتۋدىڭ سالدارى اۋىر بولۋى مۇمكىن.
الايدا الەۋمەتتىك جەلىدە ءدىني ءبىلىم بەرۋمەن اينالىساتىن كەيبىر بلوگەرلەر بۇل باستاماعا قارسى. ولاردىڭ پىكىرىنشە، ونلاين دارىستەر حالىققا پايدالى، ال تىڭداۋشىلارى دۇعالاردىڭ كومەكتەسكەنىن ايتىپ، العىستارىن بىلدىرۋدە.
قمدب بولاشاقتا الەۋمەتتىك جەلى ارقىلى ءدىني ءبىلىم تاراتاتىن ازاماتتاردى باقىلاۋعا الىپ، تەكسەرۋ جۇرگىزبەك.
