اسا قۇرمەتتى، قاسىمجومارت كەمەلۇلى توقاەۆ!
سوڭعى ۋاقىتتاردا دارىگەرلەردى سوتقا سۇيرەۋ، مەديتسينا قىزمەتكەرلەرىنە بار كىنانى اۋدارۋ سىندى جاعدايلار كوبەيىپ كەتتى. دارىگەرلەر ءوز ىسىمەن، ياعني ادام ەمدەۋمەن اينالىسۋدىڭ ورنىنا، ادىلدىك ىزدەپ، سوتتى جاعالاۋعا ءماجبۇر بولۋدا. بۇل قوعام ءۇشىن وتە قاۋىپتى تەندەنتسيا. ويتكەنى مۇنداي جاعدايلار ونسىز دا، كۇن وتكەن سايىن سانى ازايىپ بارا جاتقان دارىگەرلەردىڭ جۇمىسىنا كەدەرگى كەلتىرىپ قانا قويماي، ءوز جۇمىسىنان ءماجبۇرلى تۇردە باس تارتۋىنا تۇرتكى بولىپ وتىر. وسى ماسەلەلەرگە بايلانىستى، مەديتسينالىق قاۋىمداستىقتىڭ وكىلى رەتىندە سىزگە بوستاندىقتىڭ، ار نامىستىڭ كەپىلى رەتىندە حات جازىپ وتىرمىن.
انەستەزيولوگ-رەانيماتولوگ رەتىندە جۇمىس تاجىريبەم 32 جىلدى قامتيدى. مەديتسينا عىلىمدارىنىڭ دوكتورىمىن، دەنساۋلىق ساقتاۋ سالاسىنىڭى ۇزدىك مامانىمىن، «التىن دارىگەر» توسبەلگىسىنىڭ يەگەرىمىن جانە جوعارى ساناتتاعى دارىگەرمىن. وكىنىشكە قاراي، وسىنشا جىلدىق ەڭبەك تاجىريبەمە قاراماستان، مەن جانە ارىپتەستەرىم قىلمىستىق ءىس بويىنشا كۋاگەر دارەجەسىنەن كۇدىكتىلەر دارەجەسىنە اۋىستىرىلىپ، قۋدالاۋعا تۇستىك. 1955 جىلعى امينوۆا ناديا مۋراتوۆنا اتتى ناۋقاستىڭ قايتىس بولۋىنا بايلانىستى ءبزدى قازىر كۇدىكتىلەر قاتارىنا ەنگىزدى.
قازىرگى كەزدە الماتى وبلىستىق كوپسالالى كلينيكالىق اۋرۋحاناسىندا انەستەزيولوگ رەانيماتولوگ دارىگەرىمىن. 2016 جىلعى شىلدەدەن 2019 جىلعى ناۋرىزعا دەيىن الماتى قالاسىنداعى №4 قالالىق كلينيكالىق اۋرۋحانادا (قكا) انەستەزيولوگيا جانە رەانيماتولوگيانىڭ ءبولىم مەڭگەرۋشى قىزمەتىن اتقاردىم.
21.01.2019 ج. ساعات 20:22دە الماتى قالاسىنداعى №4 قالالىق كلينيكالىق اۋرۋحاناسىنا دەنساۋلىعى وتە اۋىر جاعدايدا امينوۆا ناديا مۋراتوۆنا جەتكىزىلدى. تىنىس الۋى قيىن، جۇرەگى قىسىلۋى مەن وكپە قانتامىرلارىندا ۇساق تارماقتارىندا ترومبوەمبوليا بەلگىسى بارى ايقىن كورىندى. قابىلداۋ بولىمىندە ناۋقاستى مۋلتيديسپلينارلى جۇيە بويىنشا كەزەكشى تەراپەۆت پەن رەانيماتولوگ قاراپ تەكسەردى.
«يبس. ستەنوكارديا ناپرياجەنيا. 3فك. نارۋشەنيە ريتما سەردتسا پو تيپۋ فيبريللياتسي پرەدسەردي، تاحيفورما. حوبل كاتەگوريا د تياجەلوي ستەپەني تياجەستي، فازا وبوسترەنيا. دن 3 ست. وسلوجنەننايا تەلا. ارتەريالنايا گيپەرتەنزيا 3 ست. فر4» دياگنوزى قويىلدى. شۇعىل جاعدايدا ناۋقاس جان ساقتاۋ بولىمىنە جاتقىزىلدى. تۋىستارىنىڭ ايتۋى بويىنشا انامنەز جيناقتالدى. ناۋقاستىڭ كوپ جىلدان بەرى جۇرەگى اۋىرادى ەكەن. اگ،يبس،حوبل بويىنشا د تىركەۋىندە تۇرادى. الدىن الۋ، ەمدەۋ شارالارىن قولدانباعان، 40 جىلدان بەرى شىلىم شەگەدى. ۇلكەن قىزى مەن كۇيەۋى سوڭعى ءۇش جىلدا ناۋقاستىڭ ينگالياتور (بەرودۋال) قولدانعانىن جانە ەۋفيللين ءدارىسىن ءىشىپ كەلگەنىن ايتتى. پۋلمونولوگتىڭ باقىلاۋىندا بولعان. ناۋقاستىڭ امبۋلاتوريالىق كارتاسىندا « ۋزي سەردتسا وت 2013 گ: فراكتسيا ۆىبروسا بىلا 36 %. پەريوديچەسكيە وتەكي نا نوگاح، نا رۋكاح» دەپ كورسەتىلگەن.
جاعدايىنىڭ اۋىرلىعىنا بايلانىستى ناۋقاس انەستەزيولوگيا جانە جان ساقتاۋ بولىمىنە جاتقىزىلىپ، يۆلگە اۋىستىرىلدى. سونىمەن قاتار ناۋقاسقا انەستەزيولوگيا جانە جانساقتاۋ كافەدراسىنىڭ پروفەسسورلارىنان ارنايى كەڭەس بەرىلدى. ناۋقاس قابىلدايتىن بارلىق ەم شارالار مەديتسينالىق نۇسقاۋلىقتار بويىنشا جانە ۇجىمدىق تارتىپتە (پۋلمونولوگ، شتاتتان تىس نەۆروپاتولوگ، نەيرورەابيليتولوگ، كارديولوگ، اريتمولوگ ت.ب. كەڭەسۋ بارىسىندا) جاسالدى. 28.01.19ج. ساعات 13:00دە ناۋقاستىڭ تىنىسىنىڭ تارىلۋى سالدارىنان ءىسىنىپ كەتۋدىڭ الدىن الۋ ءۇشىن ارنايى تراحەوستوميكالىق تۇتىك قويىلدى. سونىڭ ناتيجەسىندە تىنىسىنىڭ تارىلۋى قالىپقا كەلىپ، كلينيكالىق جانە زەرتحانالىق ساراپتامالارى دۇرىستالدى. توقتاۋسىز جاسالعان ەمدەۋ جۇمىستارىنا قاراماستان، ناۋقاستىڭ اىر جاعدايى تۇزەلمەدى. ويتكەنى وسىعان دەيىن بۇزىلعان دەنساۋلىقتىڭ سالدارىنان اعزاسىنداعى ماڭىزدى ورگاندارعا نۇقسان كەلگەن. 30.01.19ج. ساعات 23:57 ناۋقاستىڭ جۇرەك قاعىسى توقتادى. شۇعىل جاسالعان رەانيماتسيالىق ءىس شارالاردان كەيىن ناۋقاستىڭ جۇرەك سوعىسى 28 مينۋتتان كەيىن قايتا قالپىنا كەلتىرىلدى.
رەانيماتولوگ دارىگەرلەر مەن كەزەكشى مەدبيكەلەر ناۋقاستىڭ جانىندا تاۋلىك بويى بولىپ، جوعارى دەڭگەيدەگى دارىگەرلىك كومەكتەرىن كورسەتتى. الايدا رەانيماتسيالىق كومەكتىڭ كۇشەيتىلگەن كومەگى بەرىلگەنىنە قاراماستان، وكىنىشكە قاراي، 18.02.19 ج. ساعات تاڭعى 05:10دا، ياعني اۋرۋحاناعا تۇسكەن كۇننەن 28 كۇن وتكەندە ناۋقاستىڭ جۇرەك سوعىسى تاعى توقتادى. 18.02.19 ج. ساعات 05:40تا ناۋقاس قايتىس بولدى. ناۋقاس ن.م.امينوۆانىڭ ءولىمى اۋىر سوماتيكالىق اۋرۋدىڭ ءورشىپ كەتۋىنەن ورىن الدى. تۋىستارىنىڭ ءدىني ۇستانىمىنا ساي ءوتىنىشى بويىنشا امينوۆانىڭ دەنەسى كەسىلمەگەن كۇيى جاقىندارىنا تاپسىرىلدى.
ارادا بىرنەشە كۇن وتكەن سوڭ، ناۋقاستىڭ كۇيەۋى قۇزىرلى ورگاندارعا مەنى كىنالاپ شاعىم ءتۇسىرىپتى. امينوۆانىڭ كۇيەۋى ءوز شاعىمىندا ايەلىنىڭ ولىمىنە تراحەوستوميكالىق تۇتىكتى قويۋ سەبەپ بولعانىن العا تارتادى. قر دەنساۋلىق ساقتاۋ مينيسترلىگىنىڭ، الماتى قالالىق قوعامدىق دەنساۋلىقتى ساقتاۋ دەپارتامەنتىنىڭ تەكسەرۋ جۇمىستارىنىڭ ناتيجەسىندە مەنىڭ ءىس ارەكەتتەرىمە قاتىستى ەشبىر ەسكەرتۋ جازىلماعان. ويتكەنى تراحەوستوميكالىق تۇتىك ءومىردى ساقتاۋ ءۇشىن دەر كەزىندە، دۇرىس قويىلىپ، ناۋقاستىڭ سوڭعى دەمىنە دەيىن تىنىس الۋىنا جاردەم ەتكەن. سونىمەن قاتار امينوۆا سول تۇتىك ارقىلى 20 كۇن ءومىر ءسۇردى.
جاقىن ادامىڭدى جوعالتۋدىڭ وتە اۋىر ەكەنىن بىلەمىن، تۇسىنەمىن. ن.م.امينوۆانىڭ تۋىستارى مەن جاقىندارىنىڭ قايعىسىنا ورتاقپىن. وكىنىشكە قاراي، ن.م.امينوۆانىڭ جاقىندارىنىڭ شاعىمى بويىنشا قازىر مەن №317 باپتىڭ 3 پۋنكتى بويىنشا تەرگەۋگە الىندىم. سونىڭ سالدارىنان وتباسىم مەن ءوزىمنىڭ كوڭىل كۇيىمە كەرى اسەرى تيۋدە. سونىمەن قاتار ءوزىمنىڭ دارىگەرلىك جۇمىسىمدى دا جوعارى دەڭگەيدە اتقارۋىما كەسىرىن تيگىزۋدە. ن.م.امينوۆانىڭ ولىمىنە تىكەلەي قاتىسىم بولماعانىنا قاراماستان، 48 ساعات بويى تەرگەۋ اباقتىسىندا وتىرۋىما تۋرا كەلدى. ەش قايدا كەتپەۋ تۋرالى قولحاتپەن ۇيگە شىعارىلدىم. الايدا تەرگەۋ ءالى دە جالعاسۋدا. سوندا ءبىز، دارىگەرلەر قىلمىسكەر بولعانىمىز با؟ قوعام ءبىزدى، اق حالاتتى دارىگەرلەردى قاۋىپتى ادامدار سانايتىن بولعانى ما، بۇل قالاي؟
مەنىڭ تاراپىمنان ناۋقاسقا جوعارى كاسىبي دەڭگەيدەگى مەديتسينالىق كومەك تولىق بەرىلدى دەپ سەنىمدى ايتا الامىن. ناۋقاستىڭ ءولىمى مەديتسينالىق كومەكتىڭ ساپاسىزدىعىنان ورىن العان جوق. ءبىز ءوز تاراپىمىزدان قولىمىزدان كەلگەن جاردەمدى تۇگەل جاسادىق.
قاسىمجومارت كەمەلۇلى، وسى جاعدايعا بايلانىستى، مەنىڭ ار نامىسىمدى قورعاۋىڭىزدى سۇرايمىن. قر قك 317 باپ، 3 پۋنكتى بويىنشا جۇرگىزىلىپ جاتقان وسى ءىستىڭ توقتاتىلۋىنا پارمەن بەرۋىڭىزدى ءوتىنىپ،سۇرايمىن. مەن تەرگەۋ اباقتىسىندا كۇدىكتى رەتىندە تەرگەلۋدى ەمەس، ءوزىمنىڭ سۇيىكتى دارىگەرلىك جۇمىسىمدى ىستەپ، ادام ءومىرىن ساقتاۋ جولىندا تەر توككىم كەلەدى.
سىزگە دەگەن قۇرمەتپەن، دارىگەر، انەستەزيولوگ-رەانيماتولوگ،
سۋلەيمەنوۆ بەكبولات كيناياتوۆيچ.
