تالعارلدا كىسى قولىنان قازا تاپقان شەرزات پولاتتىڭ ولىمىنە قاتىستى قىلمىستىق ءىس سوتقا ءتۇستى، دەپ حابارلايدى "ادىرنا" ۇلتتىق پورتالى.
ەندى جابىرلەنۋشىلەردىڭ مۇددەلەرىن جاڭا زاڭگەرلەر توبى قورعايتىن بولادى. ال بۇعان دەيىنگى قورعاۋشىلار – سايدا تاۋكەلوۆا مەن ايتبەك امانگەلدى ىسكە قاتىسپايدى.
جابىرلەنۋشىلەردىڭ ادۆوكاتى جاندوس پالمانوۆتىڭ ايتۋىنشا، قىلمىستىق ءىس ايىپتاۋ اكتىسى نەگىزىندە الماتى وبلىسىنىڭ پروكۋراتۋراسى ارقىلى سوتقا جىبەرىلگەن.
«قىلمىستىق ءىس ايىپتاۋ اكتىسى نەگىزىندە سوتقا جولداندى. قر قىلمىستىق-پروتسەستىك كودەكسىنىڭ 201-بابىنا سايكەس، ءىستىڭ باسقا مالىمەتتەرى جاريالانبايدى. دەگەنمەن جاڭا قورعاۋشىلار توبى پروكۋراتۋرا ارقىلى ءىستىڭ كوشىرمەسىن سۇراتىپ الدى»، – دەدى پالمانوۆ.
سوت 62 تومدىق قىلمىستىق ءىس ماتەريالىن قابىلداعانىن راستادى.
شەرزات پولاتتىڭ وتباسىن قورعايتىن ادۆوكاتتار:
مەيرمان شەكەەۆ
اليم مۇستافاەۆ
بەكزات ميازوۆ
جاندوس پالمانوۆ
باگدات اماندوسۇلى
نۋربولات يبراەۆ
دينا دوساەۆا.
سوت كابينەتى دەرەكتەرىنە سايكەس، ءىستىڭ ماتەريالدارى 26 ناۋرىزدا تۇسكەن. قىلمىستىق ءىس بويىنشا ايىپتالۋشىلاردىڭ سانى – توعىز.
بۇعان دەيىن ءىس بويىنشا 11 ايىپتالۋشى بار ەكەنى حابارلانعان بولاتىن.
