وپپوزيتسيالىق انكارا مەرى مانسۋر ياۆاش ىستامبۇل مەرى يماموگلۋ تۇتقىندالعان سوڭ مەرزىمىنەن بۇرىن پرەزيدەنتتىك سايلاۋ وتكىزۋگە شاقىردى. بۇل تۋرالى ول رەسپۋبليكالىق حالىق پارتياسىنان (Cumhuriyet Halk Partisi) پرەزيدەنتتىككە ۇمىتكەرگە الدىن الا سايلاۋدا داۋىس بەرۋ اياقتالعاننان كەيىن مالىمدەدى، دەپ حابارلايدى “ادىرنا” ۇلتتىق پورتالى Cumhuriyet باسىلىمىنا سىلتەمە جاساپ.
“مەنىڭ ويىمشا، بۇگىن 20 ميلليونعا جۋىق ادام داۋىس بەرۋگە مىندەتتەلمەي، داۋىس بەردى. كەزەكتەن تىس سايلاۋدىڭ ۋاقىتى كەلدى، - دەدى مانسۋر ياۆاش.
ىستامبۇلدىڭ قاماۋعا الىنعان مەرى ەڭ ءىرى وپپوزيتسيالىق رەسپۋبليكالىق حالىقتىق پارتيادان (CHP) سايلاۋعا تۇسەتىن جالعىز كانديدات جانە ول قايتا ۇسىنىلاتىن بولسا، تۇركيانىڭ قازىرگى پرەزيدەنتى رەجەپ تايىپ ەردوعاننىڭ باستى قارسىلاسى بولىپ سانالادى.
2017 جىلى تۇركيا رەفەرەندۋم ناتيجەسىندە پرەزيدەنتتىك رەسپۋبليكا بولدى. قولدانىستاعى كونستيتۋتسياعا سايكەس، مەملەكەت باسشىسى قاتارىنان ەكى مەرزىمنەن اسپايتىن مەرزىمگە قىزمەت ەتە الادى. 2023 جىلدىڭ مامىرىندا ەردوعان ەكىنشى بەس جىلدىق مەرزىمگە قايتا سايلاندى.
ەسكە سالايىق، ىستامبۇل مەرى ەكرەم يماموگلۋ قارجىلىق قىلمىس جاساعانى ءۇشىن قاماۋعا الىنعانىمەن، سوت تەرروريزمگە قاتىستى ايىپتاردى قابىلدامادى.
