Qazaqstan World Happiness Report 2025 reıtıngisinde 43-orynǵa ıe bolyp, álemdegi eń baqytty 50 eldiń qataryna engen, dep habarlaıdy "Adyrna" ulttyq portaly.
Reıtıngtiń kóshbasynda Fınlıandııa tur. Bul el segizinshi jyl qatarynan birinshi oryndy eshkimge bermeı keledi. Odan keıingi oryndardy Danııa, Islandııa, Shveııa jáne Nıderlandy ıelendi.
Qazaqstan bıyl 43-orynǵa turaqtap, Reseı, Qyrǵyzstan, Tájikstan, Armenııa, Grýzııa jáne Ázirbaıjandy artta qaldyrdy. Al Ýkraına 111-orynǵa ıe boldy.
Reıtıngtiń sońǵy qatarynan bıyl da Aýǵanstan kórindi. Odan keıin Serra-Leone men Lıvan ornalasqan.
Reıtıng alty negizgi kórsetkishke negizdelgen. Birinshi - jan basyna shaqqandaǵy JIÓ (IJÓ); ómir súrý uzaqtyǵy; jomarttyq deńgeıi; áleýmettik qoldaý; erkindik pen mańyzdy ómirlik sheshimderdi qabyldaýdaǵy sybaılas jemqorlyqtyń áseri.
2024 jyly Ózbekstan TMD elderi arasyndaǵy eń baqytty memleket atanyp, 47-orynǵa turaqtaǵan edi. Qazaqstan sol kezde 49-oryn alǵan bolatyn. Bıylǵy reıtıngte Qazaqstan 43-orynǵa kóterilip, nátıjesin jaqsartty.
