بۇۇ ادام قۇقىقتارى جونىندەگى كەڭەسىندە جاريالانعان ەسەپكە سايكەس، ۋكراينادا بەيبىت تۇرعىنداردىڭ ءماجبۇرلى تۇردە جوعالۋى رەسەي بيلىگىنىڭ “جاپپاي جانە جۇيەلى ارەكەتتەرىنىڭ” سالدارى بولىپ تابىلادى جانە ادامزاتقا قارسى قىلمىسقا تەڭەستىرىلەدى، دەپ حابارلايدى “ادىرنا” ۇلتتىق پورتالى dw.com-عا سىلتەپ.
بۇل تۋرالى بۇۇ-نىڭ ۋكرايناداعى قۇقىق بۇزۋشىلىقتاردى زەرتتەيتىن تاۋەلسىز حالىقارالىق كوميسسياسى 19 ناۋرىزدا مالىمدەدى.
كوميسسيا ەسەبىندە رەسەي اسكەرىنىڭ باقىلاۋىنداعى ۋكراين ايماقتارىندا كوپتەگەن بەيبىت تۇرعىنداردىڭ ۇستالعانى اتاپ وتىلگەن. ولاردىڭ قاتارىندا جەرگىلىكتى بيلىك وكىلدەرى، مەملەكەتتىك قىزمەتكەرلەر، جۋرناليستەر جانە رەسەي بيلىگى ۋكرايناداعى اسكەري ماقساتتارىنا قاۋىپ توندىرەدى دەپ ساناعان وزگە دە تۇلعالار بار.
سونىمەن قاتار، قۇجاتتا ۋكراين اسكەري تۇتقىندارىنىڭ دا زورلىق-زومبىلىققا ۇشىراعانى ايتىلعان.
بۇۇ ساراپشىلارى ۋكرايناداعى قۇقىق بۇزۋشىلىقتاردى تەرگەۋ جالعاساتىنىن مالىمدەدى.
