مەملەكەت باسشىسى قاسىم-جومارت توقاەۆ حالىقارالىق ورىس ءتىلى ۇيىمى باس حاتشىسىنىڭ ورىنباسارلىعىنا ۇسىنىلعان قازاقستان پرەزيدەنتى جانىنداعى مەملەكەتتىك باسقارۋ اكادەمياسىنا قاراستى ديپلوماتيا ينستيتۋتىنىڭ ديرەكتورى الەكسەي ۆولكوۆتى قابىلدادى. بۇل تۋرالى بۇگىن، 17 ناۋرىزدا اقوردانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى
پرەزيدەنت ۆولكوۆتى حالىقارالىق ورىس ءتىلى ۇيىمى باس حاتشىسىنىڭ ورىنباسارى قىزمەتىنە ۇسىنىلۋىنا بايلانىستى قابىلدادى.
اتالعان قۇرىلىم مۇشە مەملەكەتتەرمەن گۋمانيتارلىق باستامالاردى ىلگەرىلەتۋ، مادەنيەت، عىلىم جانە ءبىلىم بەرۋ سالالارىنداعى بىرلەسكەن جوبالاردى جۇزەگە اسىرۋ ماقساتىندا قۇرىلعان. ۇيىمنىڭ بەلارۋس، قازاقستان، قىرعىزستان، رەسەي، تاجىكستان جانە وزبەكستان سەكىلدى التى قۇرىلتايشىسى بار.
