16 ناۋرىز كۇنى سولتۇستىك ماكەدونيانىڭ كوچاني قالاسىنداعى «Pulse» تۇنگى كلۋبىندا قايعىلى وقيعا ورىن الدى، دەپ حابارلايدى “ادىرنا” ۇلتتىق پورتالى.
تۇنگى ساعات 3 شاماسىندا، جەرگىلىكتى «DNA» توبىنىڭ كونتسەرتى كەزىندە، پيروتەحنيكالىق قۇرالداردى قولدانۋ ناتيجەسىندە توبەگە وت ءتيىپ، ءورت شىقتى. بۇل كەزدە كلۋبتا شامامەن 1500 ادام بولعان. ءورت سالدارىنان 59 ادام قازا تاۋىپ، 155 ادام جاراقات الدى، ولاردىڭ 18-ءى اۋىر حالدە.
قۇتقارۋشىلار مەن پوليتسيا قىزمەتكەرلەرى وقيعا ورنىندا جۇمىس ىستەپ، زارداپ شەككەندەردى انىقتاۋدا. قۇقىق قورعاۋ ورگاندارى ءتورت ادامعا، ونىڭ ىشىندە كلۋب يەسىنە قاتىستى، قاماۋعا الۋ وردەرىن شىعاردى.
سولتۇستىك ماكەدونيا ۇكىمەتى جەتى كۇندىك ازا تۇتۋ جاريالاپ، وسىنداي مەكەمەلەردەگى قاۋىپسىزدىك شارالارىن كۇشەيتۋ ءۇشىن تەكسەرىستەر جۇرگىزۋدى جوسپارلاپ وتىر. ەۋروپالىق وداق پەن كورشىلەس ەلدەر، سونىڭ ىشىندە گرەكيا، بولگاريا جانە سەربيا، كوڭىل ايتىپ، كومەك كورسەتۋگە دايىن ەكەندىكتەرىن ءبىلدىردى.
