Almatyda áıgili «Meniń atym Qoja» fılminiń jalǵasy retinde túsirilgen «Qoja. Jańa saıahat» kınokartınasynyń tusaýkeseri ótti, dep habarlaıdy "Adyrna" ulttyq portaly.
Balalyq shaqtyń esteligin jańǵyrtqan týyndy kópshiliktiń kóńilinen shyqty. Fılmdi tamashalaǵan kórermender áleýmettik jelide óz áserlerimen bólisip, jyly lebizderin bildirdi.
«Júrektesiń, Qoja!» , «Jyladyq, óte áserli shyǵypty», «Biz osy kınomen óskenbiz, endi balalarymdy alyp keldim. Bular da osy kınony kórip óssin», — dep kórermen otandyq kınoóndiristi qoldaıtynyn jetkizdi.
«Qoja. Jańa saıahat» fılmi elimizdiń kınoteatrlarynda 13 naýryzdan bastap kórsetile bastady.
Aıta keteıik, jańa kınotýyndynyń túsirilimderi Almaty oblysynyń Kegen aýdanyndaǵy Jalańash, Saty aýyldarynda ótken.
