«Respublica» پارتياسىنىڭ توراعاسى ايداربەك قوجانازاروۆ ءماجىلىس كۋلۋارىندا دجەكي چانقاتىساتىن «قۇداي ساۋىتى» ءفيلمىنىڭ قازاقستاندا وتەتىن ءتۇسىرىلىمى تۋرالى ايتتى. ونىڭ سوزىنشە، فيلمگە 50 ميلليون دوللار جۇمسالادى، دەپ حابارلايدى «ادىرنا» ءتىلشىسى كۋرسيۆكە سىلتەمە جاساپ.
قوجانازاروۆنىڭ ايتۋىنشا، بۇل قاراجاتتىڭ ءبىر بولىگى قازاقستاندىق ءتۇسىرىلىم توبىنىڭ جالاقىسىنا، عيماراتتاردى جالعا الۋعا، وتاندىق اكتەرلەرگە، سونداي-اق قوناقۇي، ترانسفەر قىزمەتتەرىنە جۇمسالادى.
دەپۋتات دجەكي چاننىڭ قازاقستاندا تاعى ەكى قوسىمشا فيلم ءتۇسىرۋدى جوسپارلاپ وتىرعانىن دا جەتكىزدى. ونىڭ سوزىنشە، كوپتەگەن شەتەلدىك پروديۋسەر قازاقستاندى فيلم تۇسىرۋگە قولايلى الاڭ رەتىندە قاراستىرادى. سەبەبى ەلدە تابيعاتى كوركەم لوكاتسيالار كوپ ءارى قاجەتتى ينفراقۇرىلىم بار.
«گولليۆۋدپەن سالىستىرعاندا بىزدە فيلم ءتۇسىرۋ 10 ەسە ارزان، ال قىتايمەن سالىستىرعاندا بەس ەسە ارزان»، — دەدى ماجىلىسمەن.
سونداي-اق ول Dala Stage ءتۇسىرىلىم پاۆيلونىنىڭ قاسكەلەڭدە ورنالاسۋى ۇلكەن ارتىقشىلىق ەكەنىن ايتتى. سونىڭ ارقاسىندا فيلم ءوندىرىسى الماتى نەمەسە استانادا تۇسىرىلگەننەن ەكى ەسە ارزانعا تۇسەدى.
«قاتەلەسپەسەم، ولار دجەكي چاننىڭ قاي جەردە تۇراتىنىن دا انىقتاپ قويعان»، — دەدى توراعا.
ءسوز سوڭىندا دەپۋتات فيلم قازاقستاننىڭ كوپتەگەن وڭىرىندە تۇسىرىلەتىنىن، الايدا نەگىزگى بازا قاسكەلەڭدە ورنالاساتىنىن اتاپ ءوتتى.
