كامبودجاعا جۇمىس ىستەۋگە كەتكەن قازاقستاندىق ارۋ قۇلدىققا ءتۇسىپ، كەيىن پوليتسيا ونى قاماۋعا الدى، دەپ حابارلايدى “ادىرنا” ۇلتتىق پورتالى Orda.kz-كە سىلتەمە جاساپ.
قىزدىڭ قۇربىسى حانشايىم ساگاداتوۆا الەۋمەتتىك جەلىدە ۇندەۋ جاساپ، ونىڭ ومىرىنە الاڭداۋشىلىق ءبىلدىردى. ونىڭ ايتۋىنشا، جابىرلەنۋشى قىتايلىق كومپانيادا جۇمىس ىستەۋگە كەلىسىپ، جەلتوقساندا كامبودجاعا بارعان. العاشىندا كومپانيا بارلىق شارتتاردى ورىنداعانىمەن، كەيىننەن قوسىمشا جۇمىس جۇكتەپ، تولقۇجاتىن تارتىپ العان. قىز قارسىلىق بىلدىرگەن كەزدە، وعان قىسىم كورسەتىلىپ، سوققىعا جىققان.
كۋاگەرلەردىڭ ءبىرى پوليتسيا شاقىرعانىمەن، قۇقىق قورعاۋ ورگاندارى قازاقستاندىق ارۋعا كومەكتەسۋدىڭ ورنىنا ونى قاماۋعا الدى. قازىر ول ادام توزگىسىز جاعدايدا – تاماقسىز، توسەكسىز، قويمادا وتىر.
قۇربىسىنىڭ ايتۋىنشا، قازاقستاندىق ديپلوماتتار بۇل ماسەلەگە نەمقۇرايلى قاراپ وتىر. قازاقستاننىڭ ۆەتنامداعى ەلشىلىگى (كامبودجاعا دا جاۋاپتى) ەلدىڭ سىرتقى ىستەر مينيسترلىگىنە حات جولداعان، بىراق جاۋاپتى ءبىر اي كۇتۋ قاجەت ەكەنىن مالىمدەدى.
“بۇگىن كونسۋلمەن سويلەستىم، ونىڭ اتى – ءالىمجان. ول ماعان تەلەفون شالعانىم ءۇشىن ايقايلاپ تاستادى. مەن كەشىرىم سۇرادىم، بىراق ول باسقا قازاقستاندىقتار تۋرالى ايتىپ، ولاردىڭ قىلمىسقا قاتىسى بار ەكەنىن جەتكىزدى. مەن قۇربىمنىڭ مۇلدەم باسقا جاعدايعا تاپ بولعانىن ءتۇسىندىردىم. كونسۋل مەنى تىڭداعىسى كەلمەي، ايقايلاپ، تەلەفوندى ءوشىرىپ تاستادى”، – دەپ اشۋلاندى حانشايىم.
كونسۋل ءالىمجان ومىرزاقوۆپەن ماسەلە بويىنشا قر سىرتقى ىستەر مينيسترلىگىنىڭ ءباسپاسوز قىزمەتىنە جۇگىنۋگە كەڭەس بەردى. بىراق كونسۋل قازاقستاندىق قىزدىڭ كەشە ەلشىلىككە ءوتىنىش جاساعانىن، ال ديپلوماتتار قازىر وسى ماسەلەنى شەشۋ ءۇشىن جۇمىس ىستەپ جاتقانىن ايتتى.
جابىرلەنۋشىنىڭ تۋىستارى قازاقستان بيلىگىنەن شۇعىل ارالاسۋدى سۇراپ وتىر.
