Kambodjaǧa jūmys ısteuge ketken qazaqstandyq aru qūldyqqa tüsıp, keiın polisiia ony qamauǧa aldy, dep habarlaidy “Adyrna” ūlttyq portaly Orda.kz-ke sılteme jasap.
Qyzdyŋ qūrbysy Hanşaiym Sagadatova äleumettık jelıde ündeu jasap, onyŋ ömırıne alaŋdauşylyq bıldırdı. Onyŋ aituynşa, jäbırlenuşı qytailyq kompaniiada jūmys ısteuge kelısıp, jeltoqsanda Kambodjaǧa barǧan. Alǧaşynda kompaniia barlyq şarttardy oryndaǧanymen, keiınnen qosymşa jūmys jüktep, tölqūjatyn tartyp alǧan. Qyz qarsylyq bıldırgen kezde, oǧan qysym körsetılıp, soqqyǧa jyqqan.
Kuägerlerdıŋ bırı polisiia şaqyrǧanymen, qūqyq qorǧau organdary qazaqstandyq aruǧa kömektesudıŋ ornyna ony qamauǧa aldy. Qazır ol adam tözgısız jaǧdaida – tamaqsyz, töseksız, qoimada otyr.
Qūrbysynyŋ aituynşa, qazaqstandyq diplomattar būl mäselege nemqūraily qarap otyr. Qazaqstannyŋ Vetnamdaǧy elşılıgı (Kambodjaǧa da jauapty) eldıŋ syrtqy ıster ministrlıgıne hat joldaǧan, bıraq jauapty bır ai kütu qajet ekenın mälımdedı.
“Bügın konsulmen söilestım, onyŋ aty – Älımjan. Ol maǧan telefon şalǧanym üşın aiqailap tastady. Men keşırım sūradym, bıraq ol basqa qazaqstandyqtar turaly aityp, olardyŋ qylmysqa qatysy bar ekenın jetkızdı. Men qūrbymnyŋ müldem basqa jaǧdaiǧa tap bolǧanyn tüsındırdım. Konsul menı tyŋdaǧysy kelmei, aiqailap, telefondy öşırıp tastady”, – dep aşulandy Hanşaiym.
Konsul Älımjan Ömırzaqovpen mäsele boiynşa QR syrtqy ıster ministrlıgınıŋ baspasöz qyzmetıne jügınuge keŋes berdı. Bıraq konsul qazaqstandyq qyzdyŋ keşe elşılıkke ötınış jasaǧanyn, al diplomattar qazır osy mäselenı şeşu üşın jūmys ıstep jatqanyn aitty.
Jäbırlenuşınıŋ tuystary Qazaqstan bilıgınen şūǧyl aralasudy sūrap otyr.
Ūqsas jaŋalyqtar
