Kambodjaǵa jumys isteýge ketken qazaqstandyq arý quldyqqa túsip, keıin polıııa ony qamaýǵa aldy, dep habarlaıdy “Adyrna” ulttyq portaly Orda.kz-ke silteme jasap.
Qyzdyń qurbysy Hanshaıym Sagadatova áleýmettik jelide úndeý jasap, onyń ómirine alańdaýshylyq bildirdi. Onyń aıtýynsha, jábirlenýshi qytaılyq kompanııada jumys isteýge kelisip, jeltoqsanda Kambodjaǵa barǵan. Alǵashynda kompanııa barlyq sharttardy oryndaǵanymen, keıinnen qosymsha jumys júktep, tólqujatyn tartyp alǵan. Qyz qarsylyq bildirgen kezde, oǵan qysym kórsetilip, soqqyǵa jyqqan.
Kýágerlerdiń biri polıııa shaqyrǵanymen, quqyq qorǵaý organdary qazaqstandyq arýǵa kómektesýdiń ornyna ony qamaýǵa aldy. Qazir ol adam tózgisiz jaǵdaıda – tamaqsyz, tóseksiz, qoımada otyr.
Qurbysynyń aıtýynsha, qazaqstandyq dıplomattar bul máselege nemquraıly qarap otyr. Qazaqstannyń Vetnamdaǵy elshiligi (Kambodjaǵa da jaýapty) eldiń syrtqy ister mınıstrligine hat joldaǵan, biraq jaýapty bir aı kútý qajet ekenin málimdedi.
“Búgin konsýlmen sóılestim, onyń aty – Álimjan. Ol maǵan telefon shalǵanym úshin aıqaılap tastady. Men keshirim suradym, biraq ol basqa qazaqstandyqtar týraly aıtyp, olardyń qylmysqa qatysy bar ekenin jetkizdi. Men qurbymnyń múldem basqa jaǵdaıǵa tap bolǵanyn túsindirdim. Konsýl meni tyńdaǵysy kelmeı, aıqaılap, telefondy óshirip tastady”, – dep ashýlandy Hanshaıym.
Konsýl Álimjan Ómirzaqovpen másele boıynsha QR syrtqy ister mınıstrliginiń baspasóz qyzmetine júginýge keńes berdi. Biraq konsýl qazaqstandyq qyzdyń keshe elshilikke ótinish jasaǵanyn, al dıplomattar qazir osy máseleni sheshý úshin jumys istep jatqanyn aıtty.
Jábirlenýshiniń týystary Qazaqstan bıliginen shuǵyl aralasýdy surap otyr.
