13 naýryz kúni keshkeAQSh-tyń Denver halyqaralyq áýejaıynda bortynda jolaýshylar otyrǵan American Airlines ushaǵy órtendi. Bul týraly Fox News-ke jarııalady, dep habarlaıdy “Adyrna” ulttyq portaly.
Aqparat boıynsha, ushaqtyń Kolorado-Sprıngsten shyǵyp, Dallas/Fort-Ýert halyqaralyq áýejaıyna baǵyt alǵanyn, alaıda Denverge májbúrli túrde qonýǵa týra kelgenin aıtty.
Ushaq qonǵannan keıin jolaýshylardy túsirýge daıyndalyp jatqanda, "qozǵaltqyshqa baılanysty másele týyndap", órt shyqqan. Oqıǵa jergilikti ýaqyt boıynsha shamamen 18:00-de bolǵan.
"Ushaqtaǵy 172 jolaýshy men 6 ekıpaj múshesi evakýaııalanyp, termınalǵa jiberildi. Biz ekıpaj múshelerine, Denver áýejaıynyń qyzmetkerlerine jáne tótenshe jaǵdaı qyzmetterine barlyq jolaýshylar men áýejaıdaǵy adamdardyń qaýipsizdigin qamtamasyz etýge baǵyttalǵan jyldam ári batyl áreketteri úshin alǵysymyzdy bildiremiz", delingen áýekompanııa málimdemesinde.
Áýejaı ókiliniń málimetinshe, áýe kemesi C38 shyǵys qaqpasynda órengen.
Jarııalanǵan vıdeokadrlarǵa qaraǵanda, evakýaııa kezinde jolaýshylar ushaq qanaty arqyly shyǵarylǵan, al ushaqtan qoıý tútin shyǵyp jatqan.
Órt sóndirilgen, zardap shekkender joq. Órttiń naqty sebebi áli anyqtalǵan joq.
