ورال قالاسىندا قاردىڭ تەز ەرۋى سالدارىنان كوشەلەر مەن جولدارعا سۋ جينالىپ جاتىر، دەپ حابارلايدى "ادىرنا" ۇلتتىق پورتالى.
دەركول كەنتىندە سۋ «سارىارقا» شاعىناۋدانىنا باراتىن جاڭادان سالىنعان جولدىڭ ۇستىنە جايىلدى.
باتىس قازاقستان وبلىسىنىڭ تجد مالىمەتىنشە، قالاىشىلىك اۆتوجولدىڭ ويپاتتى بولىگىنە قار سۋى جينالعان. ەكى بىردەي شاعىناۋداندى بايلانىستىراتىن جولعا ەرىگەن قار سۋى جايىلدى.
قازىر كولىك قوزعالىسىنا كەدەرگى جوق، تۇرعىندارعا قاۋىپ تونبەگەن.
تجد بولىمشەلەرى موتوپومپالارمەن سۋ ايداۋ جۇمىستارىن جۇرگىزىپ جاتىر. سونداي-اق، پوليتسيا قىزمەتكەرلەرى مەن جەرگىلىكتى اتقارۋشى ورگاندار وكىلدەرى جۇمىلدىرىلعان.
الەۋمەتتىك جەلىدە تۇرعىندار قالا كوشەلەرىندە سۋدىڭ جينالىپ، كولىك قوزعالىسىنا قيىندىق تۋعىزىپ جاتقانىن ايتىپ، بەينەجازبالار جاريالاۋدا.
