Oral qalasynda qardyń tez erýi saldarynan kósheler men joldarǵa sý jınalyp jatyr, dep habarlaıdy "Adyrna" ulttyq portaly.
Derkól kentinde sý «Saryarqa» shaǵynaýdanyna baratyn jańadan salynǵan joldyń ústine jaıyldy.
Batys Qazaqstan oblysynyń TJD málimetinshe, qalaishilik avtojoldyń oıpatty bóligine qar sýy jınalǵan. Eki birdeı shaǵynaýdandy baılanystyratyn jolǵa erigen qar sýy jaıyldy.
Qazir kólik qozǵalysyna kedergi joq, turǵyndarǵa qaýip tónbegen.
TJD bólimsheleri motopompalarmen sý aıdaý jumystaryn júrgizip jatyr. Sondaı-aq, polıııa qyzmetkerleri men jergilikti atqarýshy organdar ókilderi jumyldyrylǵan.
Áleýmettik jelide turǵyndar qala kóshelerinde sýdyń jınalyp, kólik qozǵalysyna qıyndyq týǵyzyp jatqanyn aıtyp, beınejazbalar jarııalaýda.
