چەحيا مەملەكەتىنىڭ ۇلتتىق مۋزەيىندە “شىڭعىس حان” كورمەسىنىڭ اشىلدى، دەپ حابارلايدى "ادىرنا" ۇلتتىق پورتالى مونتسامە-گە سىلتەمە جاساپ.
موڭعوليا پرەزيدەنتى ۋحنااگين حۋرەلسۋح چەحيا رەسپۋبليكاسىنا ساپارى اياسىندا كورمەنىڭ اشىلۋ سالتاناتىنا قاتىسىپ، ءسوز سويلەدى.
كورمەنىڭ اشىلۋ راسىمىنە ەكى ەلدىڭ جوعارى لاۋازىمدى وكىلدەرى قاتىستى. ول 2025 جىلدىڭ 10 ناۋرىزىنان 22 ماۋسىمىنا دەيىن كەلۋشىلەر ءۇشىن قولجەتىمدى بولادى.
ەكسپوزيتسيادا موڭعوليانىڭ “شىڭعىس حان” ۇلتتىق مۋزەيى مەن عىلىم اكادەمياسىنىڭ ارحەولوگيا ينستيتۋتىنان الىنعان 698 ارتەفاكت قويىلعان.
2023 جىلى فرانتسيانىڭ نانت قالاسىندا، ال 2024 جىلى ۇلان-باتىردا “شىڭعىس حان: موڭعولدار الەمدى قالاي وزگەرتتى” اتاۋىمەن وتكەن كورمە سيرەك ءارى قىزىقتى ەكسپوناتتارمەن تولىقتىرىلىپ، ەندى “شىڭعىس حان” اتاۋىمەن ۇسىنىلدى.
بۇل كورمە موڭعوليانىڭ پراگاداعى مادەني مۇراسىنا ارنالعان العاشقى تاۋەلسىز كورمەسى.
سونداي-اق، اشىلۋ ءراسىمى بارىسىندا موڭعوليا عىلىم اكادەمياسىنىڭ پرەزيدەنتى سودنومسامبۋگين دەمبەرەل مەن چەحيا ۇلتتىق مۋزەيىنىڭ باس ديرەكتورى ميحال لۋكەش پراگادا 2027 جىلى 65 ەكسپوناتتان تۇراتىن دينوزاۆر كورمەسىن بىرلەسىپ ۇيىمداستىرۋ جونىندە كەلىسىمگە قول قويدى.
