شىمبۇلاقتا تاۋ شاڭعىسى كۋرورتىنداعى قار كوشكىنىنىڭ نە سەبەپتى بولعانى بەلگىلى بولدى. بۇل تۋرالى شىمبۇلاق اكىمشىلىگى جاريالادى، دەپ حابارلايدى “ادىرنا” ۇلتتىق پورتالى.
«شىمبۇلاق» تاۋ شاڭعىسى كۋرورتىنىڭ ءباسپاسوز قىزمەتىنىڭ مالىمەتىنشە، تۇسكەن قار ماسساسىنىڭ كولەمى 95 تەكشە مەتر.
ء“ۇش شاڭعىشى ەسكەرتۋ بەلگىلەرىن ەلەمەي، قورشاۋدى بۇزىپ ءوتىپ، تىيىم سالىنعان ايماققا شىعىپ كەتكەن. سالدارىنان قار كوشكىنى ءجۇردى. قازىر ولار تابىلىپ، كىم ەكەنى انىقتالدى”، – دەلىنگەن حابارلامادا.
شاڭعى كۋرورتىنىڭ اكىمشىلىگى وقيعانىڭ حرونولوگياسىن جاسادى:
- 10 ناۋرىز كۇنى تاڭعى 9:17-دە قار جامىلعىسى تەكسەرگەننەن كەيىن كومبي 2 اسپالى جولى اشىلدى. جولدان تىس اۋماقتار تورمەن جانە «قار كوشكىنى قاۋپى»، «جابىق»، «كىرۋگە بولمايدى» دەگەن بەلگىلەرمەن قورشالعان.
- 09:58 - دە شكولنيك تاۋىندا، كومبي-2 اسپالى جولى ماڭىندا قار كوشكىنى بولدى.
- 10:02-دە قۇتقارۋ قىزمەتى دەرەۋ وقيعا ورنىنا بارىپ، كوشكىن ايماعىن تەكسەردى. ىزدەستىرۋ جۇمىستارىنىڭ ناتيجەسىندە زارداپ شەككەندەر مەن قازا تاپقاندار انىقتالعان جوق.
ايتا كەتسەك، الماتى قالالىق توتەنشە جاعدايلار دەپارتامەنتى كوشكىنەن ەشكىم زارداپ شەكپەگەنىن جەتكىزگەن بولاتىن.
سونداي-اق الماتى وبلىسىندا وزدىگىنەن قار كوشكىنى ءجۇردى.
