28 اقپان – 2 ناۋرىز ارالىعىندا الماتىداعى شىمبۇلاق تاۋ-شاڭعى كۋرورتىندا فريستايلدان FIS الەم كۋبوگىنىڭ كەزەڭى ءوتتى. جارىسقا الەمنىڭ 18-دەن استام ەلىنەن 100-دەن اسا سپورتشى قاتىستى. وليمپيادا چەمپيوندارى، الەم چەمپيوناتتارىنىڭ جۇلدەگەرلەرى مەن ۇزدىك سپورتشىلار سىنعا ءتۇستى.
موگۋل بويىنشا فينالدىق كەزەڭ قاتتى تۇمانعا بايلانىستى وتپەي قالدى. ايەلدەر اراسىنداعى جەڭىمپازدار ءبىرىنشى فينالدىڭ (F1) ناتيجەلەرى بويىنشا، ال ەرلەر ىرىكتەۋ كەزەڭىنىڭ كورسەتكىشتەرى نەگىزىندە انىقتالدى.
ەرلەر:
ءبىرىنشى ورىن - ميكاەل كينگسبەري (كانادا), ەكىنشى ورىن - چون دەيۋن (وڭتۇستىك كورەيا), ءۇشىنشى ورىن - يكۋما حوريشيما (جاپونيا)
ايەلدەر اراسىندا ءبىرىنشى ورىن - تەسس دجونسون (اقش), ەكىنشى ورىن - دجەيلين كاۋف (اقش), ءۇشىنشى ورىن - رينو ياناگيموتو (جاپونيا)
قازاقستاندىق سپورتشىلار اراسىندا پاۆەل كولماكوۆ – 5-ورىن، اناستاسيا گورودكو – 6-ورىن، يۋليا گالىشەۆا – 7-ورىن يەلەندى.
«پاراللەل موگۋل» جارىستارى
1 ناۋرىزدا وتكەن «پاراللەل موگۋل» جارىسىندا قازاقستان قۇراماسىنىڭ مۇشەسى اناستاسيا گورودكو قولا جۇلدەگەر اتاندى.
ەرلەر:
ءبىرىنشى ورىن - ميكاەل كينگسبەري (كانادا), ەكىنشى ورىن - يكۋما حوريشيما (جاپونيا), ءۇشىنشى ورىن - مەتت گرەم (اۆستراليا)
ايەلدەر:
ءبىرىنشى ورىن - دجەيلين كاۋف (اقش), ەكىنشى ورىن - رينو ياناگيموتو (جاپونيا), ءۇشىنشى ورىن - اناستاسيا گورودكو (قازاقستان).
يۋليا گالىشەۆا 5-ورىنعا، پاۆەل كولماكوۆ 10-ورىنعا تۇراقتادى.
شاڭعى اكروباتيكاسى بويىنشا جارىستار
2 ناۋرىزدا فريستايلدىڭ تاعى ءبىر باعىتى – شاڭعى اكروباتيكاسى بويىنشا جارىستار ءوتتى.
ەرلەر:
ءبىرىنشى ورىن - ۆان سيندي (قىتاي), ەكىنشى ورىن - نوە روت (شۆەيتساريا), ءۇشىنشى ورىن - تسي گۋانپۋ (قىتاي)
ايەلدەر:
ءبىرىنشى ورىن - لاۋرا پيل (اۆستراليا), ەكىنشى ورىن - سيۋي مەنتاو (قىتاي), ءۇشىنشى ورىن - دانيەل سكوتت (اۆستراليا).
قازاقستاندىق ايانا جولداس 9-ورىنعا يە بولىپ، فينالعا ءوتتى.
ەرلەر اراسىنداعى جارىستا قازاقستاندىق سپورتشىلار فينالعا شىعا المادى.
قازاقستاندا قىسقى سپورت تۇرلەرى قارقىندى دامۋدا
FIS وكىلدەرى مەن سپورتشىلار شىمبۇلاقتاعى تراسسالاردىڭ جوعارى دەڭگەيدە دايىندالعانىن جانە جارىستىڭ جوعارى دەڭگەيدە ۇيىمداستىرىلعانىن اتاپ ءوتتى. قازاقستان ءتۋريزمىن دامىتۋعا وڭ ىقپالىن تيگىزەتىن مۇنداي جارىستار شەتەلدىك سپورتشىلار مەن تۋريستەردى قىزىقتىرۋدا.
بيىل الماتىدا 6 الەم كۋبوگى كەزەڭى، الەم چەمپيوناتى، جاستار اراسىنداعى الەم چەمپيوناتى جانە ازيا كۋبوگى وتەدى.
قازاقستان فريستايلدان حالىقارالىق دەڭگەيدەگى بەدەلدى الاڭعا اينالىپ كەلەدى. بۇل ەلدەگى شاڭعى سپورتى مەن سپورتتىق ءتۋريزمدى دامىتۋعا، جاستار اراسىندا قىسقى سپورت تۇرلەرىن ناسيحاتتاۋعا ۇلكەن قادام بولماق.
كەلەسى FIS الەم كۋبوگىنىڭ فينالدىق كەزەڭدەرى 11-13 ناۋرىزدا يتاليانىڭ ليۆينو قالاسىندا وتەدى.
