بەلگىلى ءانشى ديماش قۇدايبەرگەن مۇناي جانە ەنەرگەتيكا سالاسىنىڭ ساراپشىسى ولجاس ءبايدىلدينوۆتى سىنعا الدى، دەپ حابارلايدى «ادىرنا» ءتىلشىسى.
بۇعان دەيىن ساراپشى ەلىمىزدە قازاقشا سويلەيتىن جانداردىڭ قاتارى كوبەيىپ بارا جاتقانىن ايتىپ، شارا قولدانۋ كەرەكتىگىن مالىمدەگەن ەدى.
ء«بىز، قازاقتار، الەمنىڭ بارلىق ءتىلىن قۇرمەتتەيمىز. بىراق قۇرمەت بارىنەن بۇرىن وزىڭنەن باستالادى. انا تىلىنەن ۇيالىپ، وزگەنىڭ ماقۇلداۋىنا ۇمتىلعان ادام ءسوزىن ەمەس، تامىرىن جوعالتادى»،—دەدى ءانشى.
سونداي-اق ول ءبايدىلدينوۆتىڭ ارانداتۋشى ەكەنىن ايتتى.
«ولجاس، سەن سياقتى ارانداتۋشىنى جۇمىستان شىعارادى دەپ ۇمىتتەنەمىن، ويتكەنى سەن قورقاق كىشكەنتاي بالا سياقتىسىڭ. سەن قازاقشا بىلمەگەندىكتەن، قازاق تىلىندە جازبادىم»،—دەپ تولىقتىردى ديماش قۇدايبەرگەن.
ءانشىنىڭ بۇل پىكىرىن اكەسى قانات ايتباەۆ تا قولدادى.
«مەملەكەتتىك ءتىلدى مويىنداماۋ – مەملەكەتتى مويىنداماۋ»،–دەپ جازدى ول الەۋمەتتىك جەلىدەگى پاراقشاسىندا.
ەسكە سالايىق، بۇعان دەيىن ولجاس ءبايدىلدينوۆ استانا مەن الماتىداعى اۆتوبۋس بيلەتى 500 تەڭگە بولۋى ءتيىس دەگەن پىكىر ايتىپ، كوپتىڭ نارازىلىعىن تۋدىرعان ەدى.
