اقش سەناتورى ەليسسا سلوتكين ترامپتىڭ جاقتاسى، ميللياردەر يلون ماسكتى جانە ونىڭ باسشىلىعىنداعى ۇكىمەتتىك تيىمدىلىك دەپارتامەنتىن (DOGE) سىنعا الدى، دەپ حابارلايدى "ادىرنا" ۇلتتىق پورتالى.
ول ترامپتىڭ ەكونوميكالىق جوسپارىن وتكىر سىناپ، ادىلەتتى سالىق جۇيەسىنىڭ قاجەتتىگىن اتاپ ءوتتى.
سونىمەن قاتار، سلوتكين ترامپ، ۆەنس جانە ۋكراينا پرەزيدەنتى ۆلاديمير زەلەنسكي اراسىنداعى اق ۇيدەگى پىكىرتالاسقا دا نارازىلىعىن ءبىلدىردى.
ونىڭ ايتۋىنشا، رونالد رەيگان بۇل جاعدايدى كورگەندە، "تابىتىندا اۋدارىلىپ تۇسەر ەدى".
سلوتكين ترامپتىڭ حالىقارالىق ساياساتتاعى ۇستانىمدارىن دا سىنعا الىپ، قىرعي-قاباق سوعىس كەزىندە بيلىكتە رەيگان ەمەس، ترامپ بولعاندا، اقش جەڭىلىس تابار ەدى دەپ مالىمدەدى.
ەليسسا سلوتكين بۇرىن ورتالىق بارلاۋ باسقارماسىندا تاياۋ شىعىس بويىنشا ساراپشى بولىپ قىزمەت ەتكەن. يراكتا ءۇش رەت ءىسساپاردا بولىپ، بۋش پەن وباما اكىمشىلىكتەرىندە اق ءۇي مەن پەنتاگوندا جۇمىس ىستەگەن. كەيىن اقش كونگرەسىنىڭ وكىلدەر پالاتاسىنا سايلانىپ، 2025 جىلى ميچيگان شتاتىنىڭ سەناتورى قىزمەتىنە كىرىستى.
