AQŞ senatory Elissa Slotkin Tramptyŋ jaqtasy, milliarder İlon Maskty jäne onyŋ basşylyǧyndaǧy Ükımettık tiımdılık departamentın (DOGE) synǧa aldy, dep habarlaidy "Adyrna" ūlttyq portaly.
Ol Tramptyŋ ekonomikalyq josparyn ötkır synap, ädılettı salyq jüiesınıŋ qajettıgın atap öttı.
Sonymen qatar, Slotkin Tramp, Vens jäne Ukraina prezidentı Vladimir Zelenskii arasyndaǧy Aq üidegı pıkırtalasqa da narazylyǧyn bıldırdı.
Onyŋ aituynşa, Ronald Reigan būl jaǧdaidy körgende, "tabytynda audarylyp tüser edı".
Slotkin Tramptyŋ halyqaralyq saiasattaǧy ūstanymdaryn da synǧa alyp, qyrǧi-qabaq soǧys kezınde bilıkte Reigan emes, Tramp bolǧanda, AQŞ jeŋılıs tabar edı dep mälımdedı.
Elissa Slotkin būryn Ortalyq barlau basqarmasynda Taiau Şyǧys boiynşa sarapşy bolyp qyzmet etken. İrakta üş ret ıssaparda bolyp, Buş pen Obama äkımşılıkterınde Aq üi men Pentagonda jūmys ıstegen. Keiın AQŞ Kongresınıŋ Ökılder palatasyna sailanyp, 2025 jyly Michigan ştatynyŋ senatory qyzmetıne kırıstı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz