AQSh senatory Elıssa Slotkın Tramptyń jaqtasy, mıllıarder Ilon Maskty jáne onyń basshylyǵyndaǵy Úkimettik tıimdilik departamentin (DOGE) synǵa aldy, dep habarlaıdy "Adyrna" ulttyq portaly.
Ol Tramptyń ekonomıkalyq josparyn ótkir synap, ádiletti salyq júıesiniń qajettigin atap ótti.
Sonymen qatar, Slotkın Tramp, Vens jáne Ýkraına prezıdenti Vladımır Zelenskıı arasyndaǵy Aq úıdegi pikirtalasqa da narazylyǵyn bildirdi.
Onyń aıtýynsha, Ronald Reıgan bul jaǵdaıdy kórgende, "tabytynda aýdarylyp túser edi".
Slotkın Tramptyń halyqaralyq saıasattaǵy ustanymdaryn da synǵa alyp, qyrǵı-qabaq soǵys kezinde bılikte Reıgan emes, Tramp bolǵanda, AQSh jeńilis tabar edi dep málimdedi.
Elıssa Slotkın buryn Ortalyq barlaý basqarmasynda Taıaý Shyǵys boıynsha sarapshy bolyp qyzmet etken. Irakta úsh ret issaparda bolyp, Býsh pen Obama ákimshilikterinde Aq úı men Pentagonda jumys istegen. Keıin AQSh Kongresiniń Ókilder palatasyna saılanyp, 2025 jyly Mıchıgan shtatynyń senatory qyzmetine kiristi.
