ۇكىمەتتىك كوميسسيا "قازاقمىس" كورپوراتسياسىنا قاراستى "جومارت" كەنىشىندە ورىن العان جەتى ادامنىڭ ءومىرىن قيعان اپاتتىڭ الدىن الا تەرگەۋ قورىتىندىلارىن جاريالادى، دەپ حابارلايدى "ادىرنا" ۇلتتىق پورتالى.
“كوميسسيا تاۋ-كەن قازباسىنان مەتاننىڭ جينالۋى مەن ءبولىنۋى، سودان كەيىن ەلەكتر جابدىقتارىنىڭ ۇشقىنىنان جارىلىس بولۋى سياقتى اپاتتىڭ نەگىزگى سەبەبىن انىقتادى. سونداي-اق ونەركاسىپتىك قاۋىپسىزدىك پەن ەڭبەكتى قورعاۋ بويىنشا ايتارلىقتاي ەرەجە بۇزۋشىلىقتار انىقتالىپ، جاۋاپتى تۇلعالار توبى بەلگىلى بولدى” - دەپ جازىلعان رەسمي حابارلامادا.
تەرگەۋگە 8 ارنايى پودكوميسسيا قۇرىلىپ، عىلىمي-زەرتتەۋ ينستيتۋتتارى مەن زەرتحانالاردىڭ ماماندارى تارتىلعان. قر توتەنشە جاعدايلار مينيسترلىگى، ىشكى ىستەر مينيسترلىگى، ەڭبەك جانە حالىقتى الەۋمەتتىك قورعاۋ مينيسترلىگى اپاتتىڭ سەبەپتەرى بويىنشا ەسەپتەرىن ۇسىنعان. تەرگەۋ بارىسىندا كۋاگەرلەردەن جاۋاپ الىنىپ، وندىرىستىك تەحنولوگيالار زەرتتەلدى، تەحنيكالىق قۇرىلعىلاردىڭ جۇمىسقا قابىلەتتىلىگى تەكسەرىلىپ، ءتيىستى ساراپتامالار جۇرگىزىلگەن.
قازىرگى ۋاقىتتا "قازاقمىس" كورپوراتسياسىنا تيەسىلى كەنىشتە جۇمىستار ۋاقىتشا توقتاتىلعان.
"تەرگەۋ جالعاسۋدا جانە ۇكىمەتتىڭ باقىلاۋىندا", – دەلىنگەن رەسمي حابارلامادا.
17 اقپاندا ۇلىتاۋ وبلىسىنداعى "جومارت" كەنىشىندە اپات بولىپ، 7 جۇمىسشى ءۇيىندى استىندا قالىپ قويعان ەدى.
