Úkimettik komıssııa "Qazaqmys" korporaııasyna qarasty "Jomart" kenishinde oryn alǵan jeti adamnyń ómirin qıǵan apattyń aldyn ala tergeý qorytyndylaryn jarııalady, dep habarlaıdy "Adyrna" ulttyq portaly.
“Komıssııa taý-ken qazbasynan metannyń jınalýy men bólinýi, sodan keıin elektr jabdyqtarynyń ushqynynan jarylys bolýy sııaqty apattyń negizgi sebebin anyqtady. Sondaı-aq ónerkásiptik qaýipsizdik pen eńbekti qorǵaý boıynsha aıtarlyqtaı ereje buzýshylyqtar anyqtalyp, jaýapty tulǵalar toby belgili boldy” - dep jazylǵan resmı habarlamada.
Tergeýge 8 arnaıy podkomıssııa qurylyp, ǵylymı-zertteý ınstıtýttary men zerthanalardyń mamandary tartylǵan. QR Tótenshe jaǵdaılar mınıstrligi, Ishki ister mınıstrligi, Eńbek jáne halyqty áleýmettik qorǵaý mınıstrligi apattyń sebepteri boıynsha esepterin usynǵan. Tergeý barysynda kýágerlerden jaýap alynyp, óndiristik tehnologııalar zertteldi, tehnıkalyq qurylǵylardyń jumysqa qabilettiligi tekserilip, tıisti saraptamalar júrgizilgen.
Qazirgi ýaqytta "Qazaqmys" korporaııasyna tıesili kenishte jumystar ýaqytsha toqtatylǵan.
"Tergeý jalǵasýda jáne úkimettiń baqylaýynda", – delingen resmı habarlamada.
17 aqpanda Ulytaý oblysyndaǵy "Jomart" kenishinde apat bolyp, 7 jumysshy úıindi astynda qalyp qoıǵan edi.
