شىمكەنت قالاسىندا دەنساۋلىق ساقتاۋ مەكەمەلەرىن جاڭعىرتۋ، ماتەريالدىق-تەحنيكالىق بازانى نىعايتۋ باعىتىندا جوسپارلى جۇمىستار قولعا الىنعان. شاھاردا بۇگىنگى تاڭدا ەكى اۋرۋحانادا كۇردەلى جوندەۋ جۇمىستارى قارقىندى جۇرگىزىلۋدە.
قالالىق جۇقپالى اۋرۋلار اۋرۋحاناسىندا جوندەۋ جۇمىستارى كەستەگە سايكەس اتقارىلۋدا. مۇندا جىلۋ جۇيەلەرى، جەلدەتكىشتەر تولىعىمەن اۋىستىرىلىپ، ەسىك-تەرەزەلەرى جاڭارتىلۋدا. جوسپار بويىنشا جوندەۋ جۇمىستارى جىل سوڭىنا دەيىن اياقتالادى.
№1 قالالىق كلينيكالىق اۋرۋحاناسىنىڭ عيماراتىندا جوندەۋ جۇمىستارى كەزەڭ-كەزەڭىمەن ورىندالىپ كەلەدى. بۇگىندە اۋرۋحانانىڭ ا، ب، گ جانە شارۋاشىلىق بلوگىندا جوندەۋ جۇمىستارى اياقتالىپ، ۆ بلوگىندا جۇمىستار جالعاسۋدا.
سونداي-اق، مامانداندىرىلعان بوبەكتەر ءۇيى جانە №2, №13 قالالىق ەمحاناسىندا كۇردەلى جوندەۋ جۇمىستارى بويىنشا جوبالاۋ-سمەتالىق قۇجاتتاما ازىرلەنىپ جاتىر. بيۋدجەتتىك ۇسىنىم بەرىلدى. قالالىق دەنساۋلىق ساقتاۋ باسقارماسىنىڭ باستاماسىمەن №4, №9, №10, №11 ەمحانالارىنا جاڭا عيمارات سالۋ ءۇشىن مەملەكەتتىك-جەكەمەنشىك ارىپتەستىك اياسىندا ينۆەستيتسيا تارتۋ جۇمىستارى جۇرگىزىلۋدە.
